Hello Officer (Compile)

Hello Officer (Compile)

HELLO OFFICER 💞

Chapter 1 

Ziaktu: venpuii

Oii ka rei!ka hmaa car nalh leh changkang zet ka sut rual chuan ka ding nghal chawt,a va han tih chi loh mai mai tak...ka pi leh pu'n an hriat veih chuan ka chan chu a chau rau khawp ang le.

"I mawl em ni a?"ka scooty bulah chuan mipa lian zet hi a rawn ding nghal a..a hrawl ti zawk teh ang.

Min chhuk en run a,sawi tur chu a vang pharh mai,"Eng vangin nge I rawn sut ve ngawt a?"a tih chuan ka sa ve phat,"A neitupa ang mai i car hi a tawng lutuk anih hi..."dah chhoh vah pahin ka ti a,min chhuk en ve run bawk.

"Te si,tawngthei si,nghal si,I thiam loh zawk ania ngaihdam min dil la ka ngaidam ang che,"inkuang kuah thân paha a tih chuan,"Iiiii,nang val senior ka te reng reng lo aw,ka duh leh ka tawngthei ang, khawvelah hian tawng thei lo tawng chak ngawih ngawih an tam lutuk,"ka ti a,min en vung vung mai.

"Tawngthei ve hle mai,"a ti ta ringawt a,"Ni e...tawngtheia ka awm hi Pathian malsawmna,"ka ti a,"I tawngtheih lutuk vang hi aniang i tawi em em."

"Nang pawh aia naupang i hnial zuah zuah thin vang anih hi I senior em em,"ka ti a, tlangval senior hmel phei chu a pu lem hlei lo va.

"Ka car chu aw..."tih pahin a car ka sutna chu a en a,ka inthiam lo ve chawp chilh nghal.

"A chhe nasa viau em?"tim daia ka tih chuan rum deuhin min melh let duh lek chauh,ngaihno bei taka melh chi kha ka ni lo ve bawk a ni.

"Eng zat nge a siam man niang le?"ka ti a,min melh zawkin,"Theihnghilh rawh,"a ti hluk a,a nawm loh dan a ril lutuk ringawt,ka sawi thiam dan ber chuan a ruka zak deuha tawrh chi.

"Workshop-ah dah ila,ka number ka pe che ang nga...chawi tur chu keiman ka chawi mai ang,"ka ti leh a,a tawng bawk si lo va,a nuam hlawl lo.

"A ngai lo ve,"a ti leh a,hepa hi min ti inthlahrung telh telh..."Aih a nuam lo..."ka tih pawh chuan min melh rulh duh ringawt chauh.

"Ka khalh thiam tir chauh ania...bakah.."ka tih chuan,"Tar ki ring te...inher la I scooty-ah sawn thuin va haw nal nal rawh,"a ti leh a, chuti na na te chu ka va han kalsan awm tak.

"Val senior phunchiar,"tih pahin ka inher a,ka scooty-ah chuan chuangin ka tlanchhuak nghal nal nal.

Lalnunsangi ka ni a,kum 22 niin ka patea te college-ah ka kal mek a,6 sem ka ni ve tawh.

Ka tet tê atangin ka pi leh pu hnenah ka khawsa a,kan unau hi 4 Kan ni a,a te ber leh hmeichhe awm chhun ka ni bawk.

In ka thlen chuan ka puin ka kalna min lo zawt a,"Remremi u a lo haw dawn a,an in cheipuiah min sawm a,ka pi bulah ka hrilh kha..."ka ti a,a bu zeuh a,engmah a sawi tawh lem lo.

 Chaw ei khamah chuan ka thiannu Remremi te ina kal tumin ka insiam a,amah lo hi ṭhian pakhat ka la nei a,Rintei a ni.

Rintei nen hian kan seilian dun a tih theih,a nu leh ka nu hi ṭhian tak an ni a,keini pawh chuti tho,Remremi nen hi chuan middle school kan kal aṭangin kan inhria a,kan pathum hian inzui chawt kan ni.

Scooty ka ken ngam tawh thlawt loh vangin taxi ka la a, ka thlen ve meuh chuan an lo tam tawh lutuk.

Inchhung ka luh rual chuan Remruatkimi'n min kai per lawp a,"I va lo thleng har..."a lo ti nuah nuah.

"Har a mi,khawnge u Puipuia chu?"ka ti a,min kaiin,"Hetah lo kal la...sawlaiah sawn an awm,"a ti a,ka bu nghat.

Min kaih pah chuan an in atanga ka let lehin car ka sut thu ka hrilh chuan a nui ri uar uar a,Kan inhnial dan ka hrilh leh lek phei chuan ril tla tur hi a ang ka ti ber.

"Aw..hei heta hi ka naute chu an awm,"u Puipuia aw ri ka hriat rual chuan ka hawi chhuak a,u Puipuia bula mipa ding ka hmuh rual chuan ka phu zawk thei.

"Ka rei...val senior,"ka tih chuan phawk deuh tak hian min en a,"Tar ki ring,"a ti a,"In inhria em ni?"u Puipuia chuan a lo ti a,a khi ṭhaw a,"Hre teh nang,"ka tih laiin,"Hre thawi fua,"a ti ve thung a.

"Zorem,hei ka nau Remremi ania chuan hei a thiannu leh ka nau ni bawk Lalnunsangi anih hi.."a ti a,an hriat loh lamah ka ner char char.

"An va fel hmel ve...hei phei chu a ṭawng tam loh hmel,"min en pahin kan val senior-a chuan a rawn ti kher a,"In inhre sa...a dik em?"u Puipuia'n a mit tih zim san paha min en chuan,"Teh nang,"ka ti a,val senior-a chu enin,"U Puipui,i ṭhianpa hi avan senior hmel..."ka ti ve ta sak a,Remremi-te unau annui dun hak.

"Senior lutuk lo ve...kum 29,"a ti a,Remremi chuan min kai nghal dawr dawr a,a room-ah min hruai lutin,"In inhre sa chiang...."nui vun vun chungin a ti a,thil awmdan ka hrilh chiah chu a.puak lo chauh,a duh tawk a nui aniang,"Ti nge Rintei nen in lo kal loh,"a ti a,"A nuamsam lo va...bakah a chhuak peih chiah lo deuh a,"ka ti a,a lo hrethiam ve mai.

"Zoremsanga anih kha police officer,"a rawn ti a,"Tu maw?"ka lo ti hê haw a,min kuk ṭawlh chak hmel lutuk.

"Aw...ka u ṭhianpa kha,a bawn lutuk,lehlha a thiam sia,"a rawn ti a,a ṭawng siam siam laiin ka ngaithla liam vel mai mai thung.

Dar 9 a pel hret tihah haw ka rawt a,ka haw tur Remremi'n taxi min chanpui lai mekin u Puipuia leh a ṭhianpa kha a n lo kal a,"Sangsang i haw tawh dawn wm ni?"u Puipuia chuan a rawn ti a,"Imm haw tawh mai ang,"ka ti a,"Hei Zorem rual hian haw la, in veng a inhlat chuang si lova,"a rawn ti a,"Aih,"ka ti a,ka duh teuh lo mai.

"Ngati maw?"u Puipuia chuan a rawn ti leh hram a,amah ka ngei ber ṭum a ni hial ang ka ring.

"Va chuang mai la..."Remruatkimi zek zuk chuan a rawn ti a, hemite unau hian tum a nei chiang lutuk.

"I phur tel hreh em?"u Puipuia chuan senior-a lam hawi chuan a ti a,"A duh leh duh loh,"tih zawngin a chhang.

Vawiina kan intawndan vang hrim hrim pawh khan a bula awm ka hreh ania,chua chhapah min la thlah dawn zui ania,ka va han hreh lungrun ve leh.

"Imm...anih chuan a pawi lo mai,"ka ti ve ta rawih a,"Ka car ka va la ang,"tih leh min lêtsan a rual a,rei lo teah lan bulah chuan car dum a rawn ding a, vawiina ka sut kha chu a ni lo.

"Hei hi em ni a thar chu?"u Puipuia chuan a rawn ti khauh a,"Ni nang le...ina ka haw tur ka hnunglam aṭangin tar ki ring deuh mai pakhat hian min sutsak a..."a ti a,min rawn en kher anih chu.

"Val senior,tar ki ring ka ni reng reng lo aw..."ka ti vin hlar a,u Puipuia chuan,"Nangman em ni su a?..."min en pahin a ti a, ka chhang kher lo vang.

Ka chhan leh chhan lohin awmzia a nei lo,a hmel aṭang chuan a hrethiam tih hriat reng reng.

"Sangsang,han lut rawh le,"a ti a,hreh deuhin ka lut a,kan tlanchhuah hnu chuan,"Tar ki ring,khawiah nge in awm?"a ti a, ngaihtuah chiang mang hlei lovin,"Jerusalem-ah,"kan ti ngawt pek a,"Dangdai ṭhin ve,"tih riin a zui zat.

Kan veng awmna chu ka hrilh ta tho a,a hmui a pet sawi zeuh a,a chimawm ve thawkhat tih chiang reng.

Kan inkawt kan thlen chuan,"Imm...a tawk e,"ka ti a,a ding ve mai.

"Ka lawm e aw..."tih paha ka en chuan min rawn melh zawk a,a bu nghut ringawt.

Ka chhuk a,inchhung ka luh dawna ka hawi let leh chuan a motor aṭangin min lo la en ve reng.

Ka muhil chu kan ṭhenawmte nupa inhau thawmah ka harh a,khua a lo eng iarh tawh.

An pa zawkin,"Chhuak rawh Lalnuncham,"a ti chhuak ṭhawt a,nu Chami'n,"I thaw fresh anih chu,"a ti pawr hlur a,an pa bawkin,"Ka nei peih tawh lo che, inṭhen vang vang ang,"a ti a,nu Chami a duai duh bik lo,pawr fe mai hian,"I mumangah pawh a thleng lovang,i duh leh nangmah kha chhuak rawh,ka ma nghal a che,"a ti a,ka nui khur char char.

"A zah pawh hi i zak lo em maw ni le..."pa Dawnga'n a ti a,nu Chami'n,"Zahna tur a awm pawn ka van hre lo ve..."a ti a,"Imm..khawi pawisa lo la la,sum ka chhuah nghal ang,"pa Dawnga'n a ti a, ka rei..he mite nupa hian Mizo Customary Law an va han pawngsual hneh ve leh....

 HELLO OFFICER💞

Chapter 2

Ziaktu:venpuii

Tho chhuakin ka intifai a, insiam peih atin inhnuaiah ka chhuk a,ka pi'n min lo be seuh seuh a,"Zâninah i pu ṭhianpa-te tufa an lo leng dawn a..."a ti a,eng he huah ka ngai lem lo.

Chaw kan ei laiin Rintei a rawn lut a,henu hi tunlai chu a danglam riau,a chauh hmel êm êm reng mai bawk si.

"Lo ṭhu rawh,ka kham,"tih leh thawh ka rual a, ka pi pawn kan chhuak tur chu kawngka bul thleng min thlah a,a la hma bakah kan college hi a hlat tham loh vangin kea kal ka rawt a,min en heu mai.

"I scooty a chhia a mi?"a ti a,ni tak engmah ka la hrilh ve lo tih ka hrechhuak chiah.

Nimin thil thleng ka sawi chuan min han ngaihtuah em em khawp a, amah vang hian alâwm ṭhian hlutna ka hriatfiah phah em em ṭhin.

Kal pah chuan kan titi zel a,a taksa duk deuh ruih ka hmuh chuan,"Ngati nge i va duk nasa ve?"ka ti a,"Ka tlu sual palh alawm mawle,"nui chungin a ti a,ka lak serious tehlul nen engah mah a ngai lo a.

College gate bulah chuan Remremi a lo ding leh ran tawh a,min lo hui lauh lauh mai.

"Nizan lam tê?"khi ṭhaw chung hian a lo ti ham ham a,a hmaia ben lawl chu ka nâp.

"In unau khan khawn thluk tawp cheu ka chak hle a a nimai,"ka ti a,ka chak tak tak nizan kha chuan.

Kan building awmna lam kan pan lai chuan kan semester a mi Duhsaki'n min lo bia a,"Raphael-a leh Valentina-i kha anni a mi?"a lo ti a, Raphael-a a tih chu ka cousin,ka patea fapa a ni a,kan college hi an ta a ni bawk.

"Ka hre nang...tunge Valentina-i chu?"ka lo ti let hê haw a,"2nd semester a mi hmeichhia cute i tih theih deuh kha..."Remremi'n a lo ti a ka hrechhuak hmelṭha deuh kha anih dawn chu.

"An ni an tia...a dik em?"Duhsaki bawk chuan a ti leh a,"Ka hre lo reng reng,"ka ti a,a kal daih..an ni tak tak te anih chuan ka naua chu ka lawmpui kher ang.

"An nih tak tak chuan an va la na hlawm dawn ve aw..."Rintei chuan a lo ti khauh a,ni e...la na fe fe chu an awm leh ang.

Ka naua hi chu luck miau hek...mahse a bialnu an thatsak aṭang khan hmeichhia a ngaihsak leh awm pawh ka hre tawh lo.

"Banah leng kawi ang u..."Remremi'n a rawn ti a,ka thei lo nghal pang.

"Ka pu ṭhianpa te tufa an rawn leng dawn a,ka piin haw hma turin min chah sia,ka theih ka ring lo,"ka ti a,min hnial zui bik lem lo.

Banah chuan last period kan neih loh vangin in ka thleng hma khawp mai,ka pi ka pui a..tunge lo leng tur ka zawh chuan,"I pu ṭhianṭha deuh mai ania...ka inneih pawn ṭhianah a hmang nghe nghe a..."a lo ti var a,abak engmah a sawi lo.

"Oii..ka pi Zikste, pickles ka rawn zuar a..a tui dan chu e..oii...i lei kha i suih beh hial a ngai ang,a tui ṭhaks a maw..."u Faka'n a rawn ti lut suam suam a...amah hi a pa vak lem lo.

"Eng pickle maw i zawrh a?"ka piin a ti a, ṭha takin a pickle zawrh ho a sawi ve mai dawn a maw ka tih laiin a siam dan leh a siamna bawlhlo an leina thlengin a sawi a...a chin chhuak tak meuh meuhin zu han sawi a maw le.

A chhuah rual rualin ka piin l,"Ava rapthlakin ava hahthlak ve leh,"a ti a, thawveng huai hmel a pu reuh a,ka lainat zawk.

Zanriah ei kham chuan inchunga chhoh mai ka tum a, ka puin,"Ṭhu ve rih rawh,"a ti deuh tlat a,hnial chi zia zang ni hek lo,thuawih tak chuan ka ṭhu ve kar reng a, door bell a rawn rik rual chuan ka pi leh pu an tho hluai a,kei erawh ka phone khawihin duhdah fahranin ka ṭhu a.

Chutah le....ka pi leh pu hnunga mipa rawn kal ka hmuh rual chuan ka ṭhu mar nghal awt a.

Val senior-a chu a rawn pen lut chhat chhat a,min rawn hmuh rual chuan a la kiai suk leh ta nghal a,nimina thil thleng kha a sawi chhuah mawlh ka hlau.

Ka ep chiah sofa-ah chuan a rawn ṭhu thla a,khu luih ila bo vang vang thei ila tih mawlh ka ngaihtuah lai chuan,"Bawihi,"ka pu aw ri ka hriat thut vang chuan,"Oii.."tih pahin ka ding hluai a,min en ṭhap leh nghal a, zahthlak tê têin ka zak lungrun.

"Thingpui va lum lawk la..."ka pu chuan a rawn ti dam diai a, vanneithlak hian a,tih dan ṭha lutuk ka hria alawm.

Thingpui chu ka lum a,midang ta tur zawngah chuan chini ka thlum a,kan senior-a ta turah chuan chi tlrm ka chawk ral a,ka nui ka nui mai.

An bula ka va sem chuan ka pu ṭhianpa chuan,"Hei,tinu in va nei fel ve..."a ti a,ka pu chuan a chhang ṭha ve hle hle dawn a maw ka tih laiin,"Ei a duh lutuk a..a thluak a ṭhansan a,a chhur lutuk,"a tia,val senior-a lah chu a nui huk a,min va han ti zak tak.

Thingpui chu ka sem kual dan dan a, val senior-a ka pe tur chiah chu,"Ka in ngai lo,"a tih vang chuan ka tawp chat.

A in ngai miau loh chuan pek luih tumin awmzia a nei dawn bawk si lo,dah let leh mai ka tum chu ka pu'n,"Chaw i ei tlem tho sia,in ve nghal mai rawh,"a rawn ti a, hnial ngam tawh hek lo, ahmaa ka ṭhutnaah chuan ṭhuin thingpui chu ka in a,a al bawk si,ka inchhir rauh rauh thei,a tui lo lutuk a,ka thling thleng hian afan vek thei.

Thingpui inna no ka sil lai chuan,"Thingpui al chu a tui bawk em Chhuri,"tih ri ka hria a,a lo hmuh vang lek a ni maw...

"I thaw fresh anih chu,"ka ti hlur a,ka kam ka ṭhuah bawrh bawrh.

A nui ri kur kur a,"Tuhrah seng chiang deuha ka vawi khat hmuhna ania ka lawm e aw..a hmuhnawm thaw khat e,"a ti a,a kal nal nal.

Ka thinrim bawk si,ka insum nasa lutuk a,ka ṭap lo chauh nia maw le.

Ka sil zawh hnu pawh chuan ka la awm ta reng a,ka phone chu ka en kual a, ka ka lah chu a da luap a,ka ner leh sawk sawk ṭhin,awmzia erawh a nei lo ber mai awm e.

Ka phone a rawn ri a,Rintei a ni, ka pick rual chuan,"Professor Zama'n assignment min pek kha i ti tawh em?"a rawn ti a,chutiang ka hre reng reng lo.

"Professor Zama class-ah te kha chuan Remremi nen thil kan ei ruk loh leh kan lo muhil daih a,engmah ka hre lo reng reng,"ka ti a,a rawn nui ve hak.

"Lo phei la..ti dun ila,"a rawn tih chuan aw ka pawh ve a, sitting room-ah chuan ka phei a,"Pu professor Zama assignment min pek hi ka ti thiam lo a,Rintei nen kan ti dun dawn asin,"ka ti a, a ṭhianpa chuan,"Eng subject nge?"a lo ti thuai a,"Economics,"ka tih rualin,"Economics te chu Zorema hian a thiam lutuk alawm i duh phawt chuan a tihpui thei ang che,"a lo ti leh a,a chhipa chum pawp ka chak dan chu pui tak a ni.

"E..khai..ni e.. Zorema hian a thiam lutuk alawm, han in tihpui tir tak rawh,"ka pu chuan a ti leh a,oii ka rei rapthlak zawk hian a.

Thaw kawkin val senior-a chu ka en a,a lo ding ve mai bawk si,ka awmdan chu ek chhuak e thei lo hi ka ang ber chhuat laiah chuan ka nuar chiam mai zawk dawn em maw ni.

HELLO OFFICER 💞

Chapter 3

Ziaktu: venpuii 

Inchungah chuan kan inzui chho hnak hnak a,ka hnungah a kal a,pheikhai a zang duh fahran lo khawp mai.

Ka room-ah chuan kan ṭhu ta vang mai le,ka lehkha ka zirna ṭhin dawhkan chu ka bawh ar ar a,ka assignment chu a tihdan a sawi mial mial a,ka ngaihthlak leh ngaihthlak loh pawh ka hre lo ve a.

"Chhurhnuhnung ngaithla ve ta che,i ngaihthlak loh te chuan i ti thiam nang,"a ti hluk hluk a,a chair ṭhut lai chawp chuan ka tlawh thlu zawk dawn em maw ni,"Khawvel ram zauah hian i thu lo ber mai awm e,"ka ti nuah nuah a,"I tutor nih a chakawm dawn loh hi le..."a ti a,"Chak pawh ni la i ni lo ang,"ka tih chuan a thaw hak.

A ṭha ti hian min ning se,min hrilh peih lo se,chhuk nal nal se ka ti.

"Ngaithla ṭha mai mai rawh,"a ti a,a thu lohzia hi a hre mawlh si lo,"Oii..anah,"ka ti a,"Khawi lai?"a rawn tih chuan,"Ka rilru,"ka ti a,"Eng vang chuan?"a ti a,"I thu lo lutuk a,ka rilru a na,ka khawngaih lutuk che a.. bakah mi khawngaihna hi ka ngah ve hrim hrim a,"ka ti a,a hui pap pap mai.

"Tar ki ring, ngaithla ṭha rawh,i rilrua awm ang kha a thleng dawn lo,"a ti a,"Eng nge ka rilruah awm?"ka tih chuan,"Kei aiin i hrechiang zawk,"a ti a,min hmuh tlang vek tum ang hrim hian min en a,ka chil ka lem dawk mai.

Tho hluaiin,"Ka ṭhiante ta ka copy tawh mai ang,bakah naktuk ka chawl dawn tho,"ka ti a,a kiai suk a,dawhkana a phone chu lain a chhuak a,ka thinphu rang lutuk chu a na thei hialin ka hria.

Indah felin khumah chuan ka let tawp a,a ngai têin ṭhenawmte nupa an inhnial leh tawh.

Nu Chami'n,"Malsawmdawng nga ti nge Kimkima ṭhianpa tia i save hi hmeichhia anih daih a?"a ti ṭeng chhuai a,khai le a pui dawn e.

"Ka hre nang.."pa Dawnga chuan a ti tim daia,"I hmelchhiat lil lel nen ngaihzawng te chu i nei ve khanglang em maw ni?"nu Chami chuan a ti daih a,a thinrim viau dawn a maw tih lai laiin.

"Ka nei lo reng reng,"pa Dawnga'n a ti leh a,nu Chami'n,"Lungngai suh i inthlahrung ve deuh em maw ni,kei hi chu ka hmelṭhaa hei vang hi ania i ṭhiante pawn,'engtin nge i bum thluk theih,'an tih zel che hi,"a ti a,amah a infak daih nia maw le.

Ka lo muhil daih aniang ka harh leh chuan dar 8 a lo ri tawh a,ka pu ṭhianpa tunuin pasal a nei dawn a,ka kal peih chiah lo nangin ka pu'n min hruai a tum ruh si a,mahse nilenga professor-te hmuh ai chuan a zia zawk tho tho.

Ka phone ka en chuan Rintei message pakhat a lo awm a,"Zanah ka lo kal ang,hrilh duh che ka nei,"tih a ni.

"Lo kal ngei ngei rawh,"tih chu thawn letin ka tho a,ka mu nasa lutuk a,ka lu te hi a na vek theiin ka hria.

Inhnuaia ka chhuk chu ka pi chuan tuk danga a tih ang bawkin min lo be leh siam siam tawh.

"Mate, inneihnaa kal chu i hreh viau em?I pu hian i awm ce loh kha chuan nuam a ti leh dawn der si lo va.."a ti a,ni e.. ka pu hi chuan min duatin min ti hluak hluak lo a, mahse min thlahlel hle thung.

Khawi i lo a chhuah dawn pawhin a theih hram chuan min hruai hi a tum nghal ngei ngei tawp.

"Peih loh pawh a awm chuang lo..nilenga professor-te hmel hmuh reng ai chuan a nuam dawn tho tho a,"nui chungin ka ti a,a lo nui ve hak hak mai.

Dar 1 hunserh anih vangin dar 10 aṭangin ka insiam a, satin kawrfual baby pink ka ha a,high heels var ka bun a,ka sam chu thlah mawl tawpin ka hmaiah chuan make-up tlem ka hnawih a, ka inpeih chu a ni der mai.

Inhnuaiah chuan ka chhuk a,ka pi chuan min lo nuih sen sen a,"I mawi lutuk ka tunu,"a ti a,"Kan kal thri em?"ka tih ngaihna hre lo lutuk chuan ka ti ringawt.

"Aw..kal thei ti ila i pu ṭhianpa-te kha kan nghak lawk a,"a ti ta mai,chhe hei leh kan val senior-a kha a tel ve loh hram beisei phawt mai teh ang.

"Eng nge i ngaihtuah vung vung,"ka pi chuan a rawn ti a, ka phu zawk,ka duh aiin ka ngaihtuahna ka a lo thlawh kual thui tir deuh a ni.

In kawta car ding ri ka hriat leh lek phei chuan ka ding hle hle thei tawh lo,a nghal si, a tel ve mawlh chu ka hlau.

Hlauh ang ngei ngeiin a hmasa berah a lo lut a,coat suit dum a ha a, amah a sang ṭha bawk a,inhmeh tak a ni.

Taka a hmelṭhat thu ka sawi tawh em,a hmel maw,pa tak a ni,a mitmeng a dam dap a,chutih rualin a vawt raih bawk.A hnar ngul lah Mizo mipaah chuan a sang pawl a tih theih,a hmui hi chhah lutuk si loin a pan a,pan uchuak erawh a ni keh chuang miah lo.A pian pawh duhthusam a ni deuh tawp mai.

Ka duh aiin ka la en rei zui a, ka pi'n min rawn biak chuan ka harhchhuak ve chauh tu hriatpui si lohin ka zak hlep hlepin ka hria.

"Mawia nen hian chuan dun kan duh a, motor pakhatah kan leng awm si loah,"ka pu'n a tih chuan ka hawi vut a,ka pu hian eng nge maw a hriat zik zek le.

"Anih te chuan motor khalh la,kan nupa leh in nu nen kan paliin chuang ila,Bawiha-te pahnih hi Bawiha motor-ah chuang ve thung se..."ka pu ṭhianpa chuan a ti ta mai.

Ka chil ka hak ṭhawt thei,ka khuh bawrh bawrh a,fiamthuna chi pawh a ni lo,ka rilru chuan a ti nuah nuah.

"A pawi miah lo,ti ru..kal ila,"ka pu chuan a ti leh a,Chhinga tih mai te chu ka nap ka duh lo a theih loh hi a ni tawp.

Ka hnial ngam bawk si lo, Zoremsanga chu beisei nei deuhin ka en a,"Nia kal ila,"a lo ti daih a,huh.. mihring fapa hi,tiang êm êm hian mipa hi a lo nghal theih a ni maw.

Ka din khawng at lai chuan ka pi'n,"Ka la..."a ti a,ka zep lo,ka lawm hlawl lo.

Car-a ka ṭhut fel rual chuan a start a,min rawn en vang vang pahin,"Nang chu i chhur bawk a,pasal i hmu zo lo ang a,"a rawn ti leh kher a,"Nangpawn i hmu zo bik lo ve chiang e..."ka ti chiam a,lawm loh sa naka laia.

Inneih hunserh a zo a,chaw ei kham chuan Rintei a lo kal dawn vangin haw ka duh thu ka pu bulah ka sawi a,"Zorema pawh khan haw a duh tak kha..."Zoremsanga pu chuan a lo ti leh tawh,ka va ning zozai tak.

"A rual chuan haw mai la..."ka pu chuan a ti a,"Aw le,"ka ti a,a ngai tê têin Zoremsanga rual bawk chuan ka haw leh.Motor-a kan chuan lai mekin phone call ka dawng a,nu Hmingtei Rintei nu a ni.

"Hello nu Hmingte,"ka ti a,dar 6 a lo ri deuh thuak tawh.

"Sangsang,i ṭhiannu nen in awm em?"a rawn ti a,ka bo ang reng,"Awm dun miah nang nga ti nge?"ka ti a,"A college bang a lo la haw miah lo,"a rawn ti a,eng nge maw awmzia,eng vanga tun chen chena in la thleng lo nge maw anih le.

"Aw..nu Hmingte lo mangang lo la,Remremi nen an awmdun aniang kan zawt,"ka tih lai mekin,"Ka zawt tawh an awmdun lo, college pawh a kal lo,"a ti a,a rawn ṭap pur mai.

"Kan phone chhin,"tih pahin call chu ka hang up a,Rintei chu ka call a,a ring quit ṭhak ṭhak a,call leh ka tum lai mekin Remsanga phone chu a rawn ri a,Rintei bawk chu ka call leh a,Remsanga thu rawn sawi vang chuan ka che lai ka tawp chawt.

"Hmeichhe ruang maw?"chu thu chuan ka ti rilah min fan a,ka neih ngai hauh loh hlauhthawnnain min chen chilh zui bawk.

HELLO OFFICER 💞

Chapter 4

Ziaktu: venpuii 

"Hmei, hmeichhe ruang i ti em?"ka ti a,aw Lalpa khawngaih takin a chungah engmah thlen tir lo hram teh,ka ngaihtuahnaah thil awm hi thleng dik lul suh se.

"Immm...ruang an hmu a,ka thlah kual hman che ka ring tawh lo,min va kalpui i hreh em?"a ti a,hnial lo tak ka ni,ruang chu hmuh ngei ngei ka ngai.

"Khawi laiah tak nge ruang chu an hmuh?"ka ti a,"Mel nga ruamah,"tih zawngin min chhang a,ka rilruin ka ṭawngṭai mawlh mawlh.

Kawngte chu thui hi kan ti em em khawpa,ka ke ka per dat dat reng.

"Kan thleng e.."mi lo pun khawm laih laihna lai kan thlen chuan a ti a, ka thaw pawn ka hre tawh lo.

Car aṭang chuan ka chhuk sawk sawk a,Remsanga chu an lo bawr laih a, police ho niin ka hria.

Ngam leh ngam lo chuan ruang chu ka va en dek dek a,chutah le..ruang ka hmu chiah chu ka chawmawlh vek emgtin nge a nih theih.

Ka ṭhian ka ṭhian ṭha ber chu tunah hian thingbul nghenin thawmhnaw mumal pawh inbel loin a awm anih chu, rapthlak hian...

A bulah chuan ka ṭhu thla a, ka ko mawlh mawlh,a ni erawh a ngawi hmiah thung,"Ka pi a thi tawh alawm,"chu thu chuan eng tiang takin nge min ṭhawn,ka thin a na urh a,ka khawng vek.

Rintei kut chu ka vuan reng a,"Ṭhiannu, ruang hi postmortem tura kan lak a ngai dawn a,"nurse pakhat hi ka bulah a lo kal a,ka chhang lo,a kut ka vawnna pawh ka thlah chuang lova,ka kalsan hek lo.

"I hmelhriat em ni?"mipa aw thum deuhin ka bula rawn ṭhut pahin a ti a,ka chhang chuang lo,ka ngawi reng a,"Postmortem turin la lawk ila,"a tih leh pawh chuan ka chhang chuang lo,a kut pakhat chuan a awmah min kuah bei a,ka ṭap ri nghal hawk.

"A ṭha vek,a ṭha vek,"Remsanga chuan a ti a,"A harh thei tawh lo reng reng,"ka ti a,a thaw hak mai.

"An postmortem dawna an ina tlang nge i duh damdawi ina kal?"a ti a, damdawi ina kal chu a letin ka thlang zawk.

Rintei chu ambulance-ah an hlang a,Remsanga'n a car-in damdawi in lam min panpui bawk.

Damdawi in kan thlenga,ka kutah chuan Remsanga'n a vuan a,a chhung kan luh dawn chuan,"I ṭha em?"a rawn ti a,kain ka chhang thei lo,ka lu ja thing nghut a.

Doctor lo chhuah rualin nu Hmingtei te pawh an lo lut a,thil awmzia a sawi chu ka tawt up up,reh hlum a ni a,a thih hmain ka thiannu chu pawngsual a ni,chu mai bakah nau a lo pai reng bawk.

Ngaihzawng a neih ngai ka hre lo va,eng chiah nge maw a chungah thleng le.

Engkim hi ka thiam loh vek a ni, inneihna-ah khan lo kal lo ila chuan tiang hi a thleng lo tur.

Zana lo kal a tum asin,mahse zan aniha kan inhmuh ve chiah chuan ani chu biak theih a ni tawh si lo,a kal ai te,a tawrh aite hi tuar thei tehreng ila aw...a dam lai khan ka lo chik tawk lo em ni,lo chikin lo ngaihsak ṭha deuh ila chuan a lakah tiang hi a thleng lo tur.A vanglai hun a ṭhat lai hun pawh chên ve thei a ni tawh si lo.

Ui chung chungin ani chu kan thlah a ngai a,ngaiin koh kir duh mahila dan rual lohin a liam ta si, ka ṭhian he khawvelah hi chuan tawrh tur leh paltlang tur a tam êm a,nang chuan i tawrh ve a ngai tawh dawn lo,mahse...engtin nge i telloin ka hringnun hi ka hman ve tak ang.

"Pathian hian nga ti nge amah hawisana a thu zawm duh ngai miah lo te hi a khawngaiha,dam taka a awm tir laia a thu zawmtu leh amah ringtute natna a thlen ṭhin nge a nih le?.."tiin ka pi chu ka zawt a.

Ka pi chuan,"Khawvelah hian sual hi a tam a,ringtu nun leh lek phei hi chu hla siamtu pawhin tawrhna a ni a lo tih kha,mifel tak tak te chu Pathian hian hreawm an tawrh a phal tawh lo a,a kiangah a hahdam tir ṭhin,misualte erawh a kianga kan awm theih nan min khawngaihin chatuan hremhmuna kan kal lohnan sual simna hun ṭha min pe thung,"tiin min chhang a.

Rintei thih aṭanga ni 3 a liam hnuah Remsanga chuan investigation a ṭan a, vawiinah hian Rintei chhungte leh a ṭhian kawm ṭhinte thu zawhfiah turin min la bawk.

Station kan thlen chuan nu Hmingtei te pawh an lo awm tawh a,Remremi bulah chuan ka ṭhu a,nu Hmingtei chu thu an zawt fiah mek bawk.

Kei erawh a hnuhnung berah thu min zawt fiaha,chair-ah chuan ka ṭhu a,ka hmaah Remsanga a ṭhu bawk.

"I ṭha em?"a rawn tih chuan ka lu ka buk khum nghut a,"Engtik nge Rintei nen in inbiak hnuhnun ber?"a rawn ti a,"A thih ni zing lam khan zan lama a lo kal tir thu leh thil min hrilh tur thu message-in min rawn hrilh,"ka ti a,"Anih finfiahna i nei em?Ka sawi awmzia chu a message chu i la nei em?"a ti leh a,ka phone ka phawrh sawk sawk.

"Imm..anih Rintei nen hian kum engzat nge in inhriat tawh?"a ti leh a,"Kum naupangte kan nih aṭangin,"ka ti a,"I hrechiang hle dawn tihna ani maw?"a ti a,ka lu ka bu leh.Kei aia hrechiang tur an awmon ka hre lo.

"Anih Rintei hian a harsatna zawng zawng pawh a hrilh vek ang che a?"a ti a,"Aw,hrilh vek thin,"ka ti leh.

"Anih an inchhung khurah harsatna emaw a ngaihzawng te nena buaina te a nei em?"a ti leh a,"Ngaihzawng a nei ngai lo,"ka ti a, Rintei khan ngaihzawng a nei ngai tlat lo.

"Apa kha chuan zanrei tak tak thleng mipa a biak ṭhin thu te a sawi si a,"a ti a, ka lu ka thin khum nawk nawk,awihawm loh lutuk,chutiang hmeichhia a ni lo,tuna a pa hi pahrawn ania,a ngainat loh thu min hrilh ve ṭhin,a pa chuan dawt a sawi anih chu,"ka ti a,a hmui chu pet sawi zeuhin,"Investigation-ah hian min pui thei ang em?"a rawn ti a,"Eng kawngin?"ka ti hê haw a,"Nang baka hrechiang an awm lo,a room kan dap kha chuan engmah kan hmu lo va,nangmah hian i lo en nawn leh thei ang em?"a ti a, ka ṭhiannu dikna hailanna tur anih phawt chuan ka pawi ti hauh lo.

Ka chhuah dawn chuan,"A ruang bulah khan a phone in hmu em?"ka ti khauh a, phone pakhat hi min rawn pe a,"Hei te chu,"ka ti a,min rawn en vut.

"Hei hi a phone a ni lo hrim hrim,"ka ti a,a rawn kal hnai vut.

"Eng nge awmzia hei hi a bag ah chhunga ka naute hmuh ania,"a ti a,ka lu thingin,"Rintei phone te chu vivo ania,hei te chu realme anih daih hi,"ka ti a,min melh vuta,a ruahmanna chu min hrilh mawlh mawlh.

Zanah chuan Remsanga min hrilh angin Rintei te inah ka kal a, tukverh hniam pakhat an hawn ngai miah lohna chu ka haw dawn chuan ka hawng a,parda chu ka zar a, Rintei room chahbi chu ka la bawk.

Ina ka let leh hnu chuan Remsanga chu ka call-a,"In ka thleng chiah aw..."ka ti a,"Imm zanlaiah ka lo kal ang a,lo chhuak ru la,in inkawtah ka lo nghak ang che,"a rawn ti a, ka hang up zui zat.

Zan boruak thiang kak chuan hun kal tawh min hriat nawn tir uar uar a,kir leh thei tehreng ila aw...

Hmanah kha chuan duhthu kan sam dun a,kawng engkimah kan inthuruala,ka ke pen min vensak ang bawkin a ke pen kha ka vensak ve ṭhin anih kha,eng anga kawng harsa leh bumbohah pawh khan kan ke pen in ven tawn sak chungin kan pen duh ṭhin anih kha,mahse tunah chuan keimah chauh ka bang ta, duhthusam dan pawh thiam a har khawp mai.

Hmachhawp leh duthusam tam tak kan nei a,mahse chungte chu mei khu boruaka a zam ral ṭhin ang hian an tham ral ta mai si.

Ka ngaihtuahna ka kawm reng lai chuan ka phone a rawn ri a, Remsanga call a lo ni,ka pick vat a.

"Kawt thim laiah khan ka awm a,i lo la chhuak lo em ni?"a rawn ti a,"Ka lo chhuak,"ka ti a,thawm dim thei ang berin ka chhuak a.

Kawtah chuan ka chhuak a,ka dinglam aṭang chuan min rawn ko a,a car-ah chuan ka lut a,"I ṭha em?"a lo ti a,ka buk khum zeuh.In be lo chuan kan tlan zel a.

Rintei te in thlen hma,in lina velah chuan motor chu a dah a, ka chhuk rualin a rawn chhuk ve a,ka hnungah chuan a kal a, thawm kan dim lutuk a,a hreawm zawkin ka hria.

Ka tukverh hawn ruk chu an khar zui lo tih hriat takin a lo inhawng a,"Kan lut hmasa ang nge,"a lo ti a,hnial loin a luhna tur chu ka kian a, awlsam fe hian a lut a,a bawp a sei bawk a ni.

Min kai chho ve zat a, inchhungah chuan kan awm ta ran mai.

"Khawi khi nge Rintei room chu?"a rawn ti sar sar a,huo lauh lauhin inchungah chuan ka chho a,"Rintei room hma chiah hi anu te room ania,thawm dim a ngai lutuk,"ka ti sar sar a,a bu nghut nghut mai.

Chahbi chuan ka hawng, kan lut nghal ṭham ṭham.

Kawngka chu chhung lam atanga kalhin light chu ka on a,a diary a dahna chu hawn mai ka tum a,a inkalh tlat, ka hawi kual a,eng vanga hawn theih miah loh nge anih,zawi têin Remsanga chu ka ko a,tih chhiat chi a ni si lo,khawnge chahbi a awm tak ang,ka hawi kual a,a side table-a kan pahnih thlalak frame te tak tê chuan ka mit a la ngâng mai.

Ka kemg kang a, ka en reng lai chuan,"Hawn dan min lo ngaihtuah pui teh,"a rawn tih vang chuan ka dah a, ka dah chiah chu a hnunglam aṭangin chahbi te tak tê hi a rawn tla nawlh mai.

Ka chhar vat a, diary dahna hawn ka tum chiah chu room leh lama thawm kan hriat vang chuan ka phu zawk mai.

HELLO OFFICER 💞

Chapter 5

Ziaktu:venpuii

Nu Hmingtei a tho chhuak anih hmel,light chu ka off vat a, Rintei room a kal pelh lai phei chuan ka thaw ngam lo reng reng.

A rawn chhoh leh hnu pawh chuan kan la ngawi kar a,kan in melh leh zauh zauh ringawt ṭhin.

Darkar chanve ṭha zen zawn kan nghah hnu chuan locker chu ka hawng a,Rintei diary chu ka la a,khar leh mai ka tum laia ka thil hmuh vang chuan ka tawp chat.

Diary te tak tê hi a ni,tu n hmaa ka hmuh ngai ka hre lo,ka thlêk vang vang a, Remsanga chu enin,"Thil pawimawh dang i hmu em?"ka ti a,a lu a lo thing.

"Anih chuan kal ila,"ka ti a,light chu off-in kawngka chu ka hawng a, kan pen dim ang reng khawp mai.

Chahbi chu ka lakna ngai aṭang bawk chuan ka dah leh a,kan luhna tukverh atang chuan kan chhuak leh ṭham ṭham.

"Diary hi ka kawl duh,"motor kan luh rual chuan ka ti nghal pang a,"Ka kawl duh alawm,"a ti ve leh.

"Min kawltir chuan ka ke na ka en tir ang che,"ka tih ngaihna hre lo chuan ka ti a,"Ngatan nge i ke na chu ka tih ang?..."a ti a,ka thinrim lek lek.

"Tuna chhiar ka duh alawm..."ka ti a, ka kawl dawn hi a ni tawp mai."Ka chhiar ve duh tho alawm maw le tar ki ring,"a ti a,kan inchuh titih.

"Anih tunah chuiar dun mai ang,"a ti a,kawl rawh a tih ve mai te ka ring tawh aniah.

"Khawi?"tiin motor chhungah chuan kan chhiar a, chutianga thu tak khuka khukpui chiam chi engmah a inziak lo.

Kan chhiar zawh chuan kan inen a,"Engtin nge niang?Hnu chhuina atana pawimawh engmah a awm lo,"a ti a, ka dar ka chhin âk a,ka rilru a insual nasa khawp mai.

"Ka va thlah phawt ang che,"a ti a,sana ka en chuan dar 2 a lo hnai thuak tawh a,haw phawt chu ṭha rihin ka hria.

Kan tlan chhung zawng chuan kan inbe lo,ka chhuk dawn chuan,"I tuar viau a ni tiraw?"a rawn ti a, inherin ka en a,a hma zawna kawng chu ding tak hian a melh.

Ka ngawi reng a,chhan ngaihna min ti hre lo,kal leh mai ka tum chuan,"Nangmah ngai kha ni leh rawh,tuna i awmdan hi chu i inhneh ve lo...tar ki ring deuh nih kha i inhmeh ṭawngthei em em mah la a pawi lo,hmuh i hreawm lutuk,i tuar tih chu ka hre tho a,mahse nangmah inhlauh phah nan hmang suh,"a ti a,min hrechiang ber ṭawngin a ṭawng.

Chhan ngaihna ka hriat loh vang chuan ka chhuk a,inchhung ka luh hnu chuan a tlan chhuak thawm ka hre zui zat.

Inchungah chuan ka chho a,ka phone phawrh tuma ka ipte ka dap chu Rintei locker-a diary te ka hmuh kan chhuah dawna ka ah tak kha a lo awm kiau mai.

Ka table lamp chu on-in ka chhiar a,mahse maw...chu diary-ah chuan engkim tak meuh a awm.

"Dear diary, hello i lo dam em?Thla khat chhung teh meuh ka dam lo a,ka taksa nat vang erawh a ni hauh lo,i hria em dear diary thla hmasa khan ka pahrawnin min sual lui a,beih let ka tum ve lutuk asin...mahse ka dang hneh ngang lo ani,ka chungah rawng thei ang berin a che a,ka nun chanve hlawk ka hlauh asin,a fa ang khân min ngai a maw ka lo ti ve ngar ngar a, ka sawi chhuak ngam bawk si lo,engtin nge ka tih tak ang?

Ka ṭhiante lakah tak ngial pawh ka zep a ngai a,a hreawm ka ti, Sangsangi lakah leh lek phei chuan engmah ka zep ngai bawk si lo,hrilh ta ila eng angah nge min ngaih tak ang,min ngai hniam ta viauin min thlauh thla ta se,ani lo neih ka nei si lo,ka nu hrilh ta ila min ring kher ang em?Ka pahrawn ka mil lohzia a hrechiang em em a,min ring ang em?"tih te,â a tam mai.

A rai tirha a hlauhthawn zia te nen lam engkim a ziak a,thumal tin te chuan min ti na a,dan rual lohin ka mittui a sur bawk.Ka tello va hetiang teh hrep a paltlang hi na ka ti a,ka tih tur hlen lo ang ruaka inngaihna ka nei bawk.

Thil pakhat ka ngaihtuah a, engvanga pahrawn leh nuhrawn te hian an fahrawn te hi ti duhdah em em ṭhin nge maw an nih tih hi.

An vai chuan ka tilo mahse ṭhenkhat fel tak tak an awm laiin ṭhenkhat sual em em an awm leh lawi a,an nu leh pa te an nei duh anih chuan eng vanga an fate pawm ve mai lo nge an nih.

An fa ang taka en turin ka beisei lo,mahse tlem tal chuan ngaihsakna leh hmangaina an lantir ve thei lo em ni?

Haeh chhuak zawkin Remsanga ka call a,a chhang har lo,a lo pick rual chuan ka ṭah khum chiam a,min rawn hnem leh mawlh mawlh.

"Rintei diary te,"ka ti a,a bak ka sawi thei tawh lo, ka ṭap zawih zawih a,ka na a ni, hreawm tuar reng reng a ka ṭhian ṭha ber a awm lai khan kei mi lak tlak loh hian eng nge maw kw lo tih le...

"Hahdam la... muangchangin,"a rawn ti a, ṭap chung chuan ka sawi a,ka chawl leh ṭhin.Ka sawi chhung zawng chu dawhthei takin min lo nghak bawk.

Ka sawi zawh rual chuan,"A chiang ta,naktukah an nupain kan ko dawn nia,"a rawn ti a,call chu ka hang up a,

Ka biangah mittui a rawn lum thla pap mai,hruk buai ka tum lo.

Ka ṭhian ṭha ber pawh ka vengkim zo lo chu ania,a hnen ka kal ve hunah eng nge maw ka sawi ang le...ka tana a inpek zawh êm êm lai khan eng nge ka tih ve tak hi..

Ka ṭap tlaivar a ni thaw thang a,zing khaw eng ka hmuh leh lek phei chuan a chhan pawh ka hre lo khaw eng chu ka zah a,ka ni luk mai bawk.

Ka message tone a rawn rik rual chuan ka phu zawk a,ka en vat a,"Dar 11-ah station-ah i lo kal ve angai ang aw.. diary nen khan,"tih chu Remsanga hnen aṭangin ka dawng a,"Aw,"tih chauhin ka chhang.

Sana ka en chuan dar 9 a lo pel duai tawh a,ka tho vat a, intihfai turin bathroom-ah ka lut a, ka mit ka chhing vang vang.

Ka insiam a, engkim hi tawp tawh se ka ti hle..bawk.

Dar 10 leh a chanve pelhah in aṭangin ka chhuak a, traffic a jam vangin ka thleng har fu leh nghal.

Station ka thlen chuan nu Hmingtei te nupa leh Remremi an lo awm a, min lo en ṭhap mai.Pa Sawma chu ka en a,keh nawk nawk ka chak ber.

Ṭhutna min kawhhmuhah chuan ka ṭhu a, Remsanga chu a lo ding nghal zat bawk.

"Pi Hmingte hei,i fanu nau paina kha kan hre tawh e,"a rawn ti tawng a,nu Hmingtei'n,"Tunge?"a lo ti nghal zat a, Remsanga'n,"Pu Sawm,"a ti a,a ruhlang rawt rawtin a sawi dawn anih hmel riau mai.

Pa Sawma a meng pha dui a,"Ani te chu ka pasal alawm,"nu Hmingtei'n a ti vat a, Remsanga'n a kut a vai thuak a,"Diary kha.."Remsanga'n a rawn ti a.Ka phawrh sawk sawk.

"Hetah hian chiang takin a inziak,"a ti leh a,nu Hmingtei chuan a bih nghal vung vung,chuta nu Hmingtei rawn dak chhuak leh mitmeng chuan pa Sawma thah a hreh dawn lo tih pawh a lang reng.

"I...i fanu ang chiahin i en ve emaw ka ti asin, ka fanu,ka naute,"a ti a,a ṭap ta zawih zawih mai,Remremi bo hmel ka hmuh chuan hrilhfiah thei pawh ka awm lo,ka ṭap zawih zawih a,thisena inzawmna nei ni miah lo mahse a fa ani ve tho asin le.

"Sawi zawm tawh la pu Sawm,"Remsanga'n a ti a,pu Sawma a ṭhu kun lup mai.

"Sawi rawh,ka fanu chungah khan eng nge i tih?"nu Hmingtei chuan a pasal awmah a chum pawp pawp a,pa Sawma erawh a la ṭhu kun lap tho.

"Ṭha deuha ka zawh lai che hian sawi rawh,"tih pahin Remsanga'n pa Sawma a rek bawrh bawrh a,a thaw kawk kawk mai.

"Ka sawi ang,"a rawn ti ta a, Remsanga'n,"Sawi vat rawh,"a ti vin ṭhak mai.

"Hmingi nena kan inneih tirh khan ka neih chhan tak zawk chu a fanu kha a ni,mahse ka ngaih anga awlsam a ni lo,min pehhel zel a,ka duh pawh ka hmu har,mahse,ni khat chu a tui in turah damdawi ka thlak ta a,chuan a chungah,"a ti a,"I thah dan kha sawi rawh,"Remsanga chuan a ti leh.

"A thih ni khan Sangsangi hi engkim hrilh a tum a,a phone ka khawih sakna aṭanga ka hmuh a ni,tichuan Melnga ruama inhmuhpuiah ka sawm a,anih loh chuan a video tih leak out-a ka vo vanga lo kal a ni bawk,chuan...."a ti a,ka insum thei tawh hauh lo.

Tho lawpin a hmaiah chuan ka beng a,ka sik a,ka ṭham tawn tawn a,"Eng nge tihsual a neih?Eng vanga that nge i nih?I fa a pai asin i fa,i fa,"ka ti tawn tawn a, ka chaw mawlh vek,tu emaw hian min chawi vâwk a,Remsanga chuan min kuah bet hmiah.

"Hruai lut ru le,"Remsanga'n a ti a,Remremi leh nu Hmingtei an inkuah chhuak a,ka tal nghal tawp tawp.

"Insum rawh le,"a ti a,ka ṭap rawih rawih a,"A ṭha vek e..."a ti leh a,ka tal buan buan bawk,ka tal laih laih laia a thu rawn sawi vang chuan ka tawp chawt."Ka duh che,"eng nge a sawi hi...

Ka inthlahdul tihba hriat rual chuan min thlah riai riai a, chhuah nghal mai ka tum chu min rawn vuan bet leh a,a mitah pawh ka en ngam tawh lo.

"Ka duh che ka tih kha,"a ti leh a,"Ka lakah hian eng nge i beisei,a ṭhianṭha ber pawh venghim zo lo hian inngaihzawnna lamah eng nge ni se min tih?"ka ti a,ka en kiau.

"I theih tawk a liam ka dil lo che a,i theih tawk chauh ka dil che...ka duh chea,engkim ka ti vek ang,i tih ngai zawng chu thlah leh ngai tawh lo tura ka kut vawn a nimai,"a ti a.

HELLO OFFICER 💞

Chapter 6

Ziaktu:venpuii

Muangchangin min thlah a,engtia han chhan tur nge ka hre lo.

"Ka thlah ang che,"a ti a,"I buai ang,"tih zawngin ka chhang a, tih ngaihna ka hre reng reng lo.

Hnialna ka neih loh laiin chhan kha ka chak rih lo,ka inrin tawkna zahve thawk ka hlauh a,ka hlauthawng a ni.

"Imm, inngaihtuah ngut ngut lo la,a theih phei chuan nangmahin awm tam suh,"a ti ve sup sup a,he mihring hian engtin nge maw min duh theih le.

 Ka haw pah chuan pangpar ka lei haw a,ina haw tlang ta lo chuan Rintei thlanah ka peng kawi a,a lo fai khawp mai.

Pangpar chu ka dah a, engtia rei nge ka ṭhut pawh ka hre lo,ka phone a rawn ri a,ka pi a lo ni.

"Aw..pi,"ka lak rual chuan zangkhai takin ka ti a,"Bawihte... i lo va haw har ve hei Remremi a lo kal a, khua a thim tawh si a,kan ngaihtuah lutuk che...lo haw rawh,"a rawn ti a,ka harh zawk thei.

Sana ka en chuan dar 6 a lo ri tawh,"Aw..pi ka lo haw dawn chiah e,"ka ti a, kan in leh thlanmual hi a hlat tham deuh avangin ka kal chak deuh a,kan inkawta scorpio dum ka hmuh chuan ka hamhaih deuh a, inchhung ka luh rual chuan ka hrethiam ve leh chiah.

Remsanga pu chu ka pu nen an lo titi a,choka lama Remremi ṭawng thawm ka hre zui leh zat.

"E... Bawihte i lo haw tawh a ni maw?"ka pu chuan a lo ti a,"Immm..."tih chauhin ka chhang.Zoremsanga hmel ka hmuh loh vangin a pu chauh chu a lo kal anih ka ring.

"Chokaah an awm,"Remsanga a pu chuan a ti a,a lo kal ve leh si aniang ti rilruin chokaah chuan ka dak lut a,ka pi leh Remremi chiah ka hmu.

Ka hawi kual deuh a,ka duh ang phei chu ka hmu lem hlei lo.

Pawh ka tum lai mekin,"Ka ring sual lo anih chuan min zawngtu an awm tlatin ka hria,"ka hnung aṭangin ka beng zawnah a rawn ti a,ka phu nasa lutuk ringawt.

"I mawl em ni?"ka ti a,kan la awm hlat deuh vangin ka pi te chuan engmah an hriat ka ring lo.

"Nangmah zawk hi i mawl ṭep,"a ti a,huh.."Lungngai suh, nangmah zawk hi a lawm mawl,mahse a la rei vak loh hmel bawka enkawl dan a la awm ang,"ka ti a,ka rin loh lutukin a khi ta vur vur.

Mit chuar tapa ka en chuan,"Imm.. khatiang chiah tur kha,kha tiang mizia kha pu reng rawh,"a ti a, min tih hlim a tum ve ngei em maw ni.

Inherin ka pi te chu ka pawh a,"Bawihi hri thil kan siam a,lo ṭhu ve rawh,"a ti a,chair chu ka la a,an bulah chuan ka ṭhu ve nghal zat.

Remremi nen chuan kan titi bawrh bawrh a,"Rintei awm ve se aw..."a ti leh vawng vawng ṭhin.

Ni e,la awm ve sela chuan a hlim berah khan a ṭang leh ang a,mahse tunah chuan a nui hmel chu sawi loh,a thawm ri va tak ngial pawh kan chang pha ve tawh si lo.

"Remsang, lo kal rawh hei cookies pawh a hmin ṭep..."ka pi chuan Remsanga a hmuh rual chuan a lo ti ve sawk sawk a, ka bul chiaha chair chu pawt chhuakin a rawn ṭhu a,a mi uap chu a na ngang mai.

"Naktukah college lo kal ve tawh la,"Remremi chuan a lo ti a,"Imm... nia ka lo tum dawn nia,"ka ti a,zep loah chuan ka phur lo,ka tan chuan natna min thlentu mai anih ka hlau a ni.

"Raphael-a hi a van reh ve,"ka pi chuan a rawn ti a,a chanchin ka lo ngaihven tawh lo hrim hrim.

"Bialnu a nei an tiin ka hria,"phur deuhin ka ti a,ka pi a lo hawi zawk,"Ni e..nei ve tawh rawh se,ka duh ai chuan min lo tlawh khat ṭhin deuh a ni,"a ti siam siam a,Dindin thih aṭangin vawi hnih khat bak a lo kal leh awm ka hre lo.

Kan titi lai chuan Remsanga chuan phone a en a,ka mit sir leh zeuh zeuh ṭhin.Dar 9 velah an haw a, Remremi a lo riak thung.

Kan mut fel hnu rei lo teah call ka dawng a, Remsanga hnen aṭangin a ni nghe nghe bawk.

"Hello,"ka ti a,eng vanga a ni teh daihin min lo phone nge maw a nih le.

"Naktukah chuan ka lo lam kawi ang che,"a rawn ti tawng a,"Eng nge kan tih dawn?"hrethiam lo fein ka ti a,"College i kal dawn a ni lawm ni,"a rawn ti a,"Dawn e,"ka ti a,min ti bo e a.

"Ka thlah ang che,"a ti a,"Iiiii.... hepa hi min la thutak tak tak em maw ni,"Remremi en chung chuan ka ti a,"Aw la thutak,"phone aṭang chuan a rawn ti a,ka va han phu nasa mai mai tak,ka dah daih tawh a maw ka tia.

Ka off rang ngang mai,"Nge awmzia?"Remremi chuan a rawn ti khi ṭhaw a,a va han chhe vur vur tak.

"Khi hui suh i rapawm,"ka ti hluk a,"Sawi vat,"a ti sek sek a,beng hi chu a nei vir ve em asin.

Ka sawi ta nge nge a, ka sawi chhung zawng a khi char char a,ka sawi zo chiah chu a inham tawk tawk a,a va han hahthlak ṭhin tak.

"A ngai thutak tak tak che, bakah val senior deuh deuh ho hi chuan hmeichhia hi an ngaihsak zen zen lo va,u Remsanga ngat phei chu,aman a bem che anih chuan...i ti sual lovang,"a ti a, a inleng tawp tawp mai.

Chutih lai chuan ṭhenawmte in aṭangin zai ri ka hria a, ka ngaithla chiang chiah chu ka va han nui hnem tak.

Pa Dawnga chuan ring deuhin woofer-ah Pasalṭha Zakima hla a ngaithla a,a sakpui al al a,thlawi lawma tih turah ring deuh hian,"Chawi lawma chawi lawma,"a ti a, a zai ring ngang mai a,a zai thiam loh chu thuhran a lyrics lah chu a sawng bawl hneh em em a,Remremi nen chuan kan insum thei lo reng reng.

A zai tui viau lai chuan thir a ri rawk a,nu Chami'n chawhtawlhin a khawng leh tawh anih ka ring.

"Zai ul ul lo khan i nupui rawn ruk hi va dah let leh nghal rawh,"nu Chami'n a ti a,an va han bawn ṭhin tak em.

"Ka ru lo reng reng,"pa Dawnga'n a ti a,"I zak lo,i rawn khik luhpui nasat kha.. va dah let rawh,ka chawmpui dawn ṭhak lo che ania,"a ti leh bawrh bawrh a, hemite nupa hi chu aw... inhau reng e ti lo hian an inṭhen chuang lem hlei lo va.

Ka mutthlih dawn thleng pawn thawm chu a la awm.

Ka harh chuan dar 6 a lo ri tawh a,Remremi a lo la mu vum thur mai,ka sawi nawk nawk a,ani a inkhuh ṭha ve sauh sauh.

"Tho tawh la..."ka tih chuan,"Ka lo tho ṭep ka hnungzang hi khum nen hian a inchar bet tlat a,"a rawn ti mauh mai a,"Ka la tho peih lo,ti se a awihawm zawk ang.

Ti buai zui lovin ka tho a,ka intifai sawk sawk a, ka chhuah leh chuan a lo tho ve ṭuih ṭuih mai.

"Ka va haw ang nge aw,ka insiam ang a, college-ah ka lo nghak ang che,"a ti a,mutna chu a tihfel sawk sawk hnuah a tlan chhuak a, keipawh inhnuaiah ka chhuk a,dar 7 a pel awrh chauh.

Ka tum loh lutukin ka pi leh Raphael-a ka hmu a,min hmuh chuan,"College i lo va kal khât ve,"a lo ti a, ka nuih heu ringawt.

"Bialnu i nei an ti tlat,"ka ti a,ka nuih pah vur vur,"Teuh lo mai,"a ti a,"Zep lo mai rawh aw,"ka ti pang pang a,min enin,"Kan ni lo tak tak alawm,"a ti leh.

"In ni an ti sia..."ka ti a,a lu a thing vei na na,"Hma lam pan hi tum tawh teh ka nau,"ka tih chuan,"Ka tum mêk alawm..."a ti a, min rawn enin,"Vawiin i lo kal dawn em?"a ti leh a,ka lu ka buk khum nghat.

Insiam ka duh vangin ka chhoh san leh a,ka insiam zawh chuan call ka dawng a,val senior-a tih phone screen-ah chuan a rawn lang kalh mai.

"Hello,"ka ti a,ka room kawngka ka kalh pah,"Ka lo kal,"a ti a,a hang up daih khai leh a ti tak tak hepa hi a ti tak tak.Ka zak tlat,chaw ei lovin a lo thlen hmain kal daih ang,ka ti a,ka ngaihtuah lai takin ka pu bula a ṭhu ka hmu nghal zat.

Rapthlak hian, ka plan ve chu flop pawh a flop pha lo,ka plan zo hman lo hrim hrim.

HELLO OFFICER 💞

Chapter 7

Ziaktu:venpuii

Kal pelh ka tum laiin ka pu zik zek chuan min la rawn au leh nghal a,ka thinrim ṭun thei,val senior ho hi chu an che rang si, thil reng reng hi sawi se,an sawi leh tih nghal an rual a,ka ning tlat.

"Aw...eng nge?"ka ti a,ka aw pawh a no fahran lo khawp mai.

"I kal dawn tawh em ni?"ka pu chuan a rawn ti a,"Imm kal dawn 1st period ka nei a,"ka ti a,chhuah nghal mai ka tum tawh.

"I duh chuan ka rualin kal la,in college awmna lamah tho alawm ka kal dawn,"kan val senior un em em a chuan a rawn ti a,"Aih..a ngai lo,"ka ti a,ka ke lehlam chuan kawngka pawn a thleng hman awrh.

"A thlah kawi theih dawn tho che chuan kal nghal mai rawh,"ka puin a rawn ti leh tawh,oi...a...ka peih lo e...,"A ngai kher lo asin ka tibuai mai mai ang,"tih pahin kal leh ka tum a,"Ka hman kan kal thei alawm,"tih pahin Zoremsanga chu a rawn ding a, a pumpelh theih tawh loh hrim hrim.

Ka bul a rawn thlen chuan thip ang reng deuh hian min en a, a thinrim ve ngei anih ka ring.

A hnungah chuan ka zui ve dat dat a,kal a ti laklawh thiam lutuk chu ka thinin a tuar lo ṭhelh a ni.

A car chhungah chuan a lut a,ka ṭhu lut ve zat a,engmah a sawi si lova,ka awm a nuam miah lo.

Ka thlek ka thlek leh ṭhin a, kan ṭawng lo ve ve ve a,a reh hian a reh tlawk tlawk.

College kan thlen chuan chhuk mai ka tum a, ka kuta a rawn man vang chuan ka hawi let a,ka chalah a rawn fawp zeuh.

"Kan ni ta a mi?"ka ti heu a,"I duh lo em ni?"a ti ve thung a, ka duh loh thu ka sawi pawh ka hre lo reng reng.

Ka lu ka thing a,nui sukin ka chalah chuan a fawp leh zeuh a, ka chhuk nghal nal nal,ka lai ve ngei em maw ni, zahthlak hian a.

Gate bulah chuan Remremi'n min lo nghak a,"A lo thlah che a ni maw?..."nui rah rah chungin a lo ti khi sawng a,a chalah ka beng pawp a,a tuai vut vut mai.

"Ah saw...lungtat para,"Remremi chuan Jasper kawh vah pahin a ti a,a va han zahthlak tak.

"Kawk vu vu suh,"tih leh a kuta ben ka rual a,Jasper-a hawi kual lah chuan min rawn la hmu zui a, ka inher nghal nal nal.

Jasper-a nen hian 4th sem kan nihin kan inkawp a, kan inkawp aṭanga thla thum hnuah a chatuan a zo daih a,min lo kawp bawk.

Ka ṭhen ta vang vang a,ka hnena lo let leh pawh a tum nasa mahse...ni e,mahse a awm tawh tlat.

A tua te pawh hian duh zawng kan nei vek a, mihring dam chhung chuan a loh theih loh,kan mi duh zawng laka induh tawk tak mi kan awm ang bawkin kan duh te duha atchilh bur ṭhin kan awm a,keipawh duh zawng atchilh bur ṭhianah chuan ka tel ve nghe nghe bawk.

Keimah ang hi chuan a hunlaiin eng ang pawn duh mah ila kan rilru an tihnat a, beidawnna min siam hnuah meuh chuan kan thlah hmak ṭhin.

"Saw a lo kal,"a tih rual chuan a tlanin ka tlan nal nal,ka duh lo reng reng,min sawipui leh te kha a tum ang a,ka paltlang tawh thilah ka let leh ngai lo.

A hma ber dawttu chiah a lo awl tawh vangin Remremi nen chuan kan ṭhu a,ka tlan nasa lutuk a,ka hah lutuk ringawt.

Professor Zama a rawn lut a,a dul kiar zet chu a beng a,ka mut a chhuak ṭan nghalin ka hria,thil thar a ni hran lo.

Ka lo bu leh lâwp lâwp ṭhin, professor a chhuah rual chuan phone ka en a,"Engtikah nge in ban dawn?"tih hi Remsanga hnen aṭangin ka dawng a,ka ṭhen ṭhaw theiin ka hria.

"Last period ka nei lo,tinge?"ka ti a, a seen har lo,"Nga ti vak mah,"a rawn ti daih a,phur ang he hu a va ni leh si lo ve.

Last period ka neih loh laiin Remremi'n a nei thung a,"Min nghah chuan i haw har dawn emai...lo va haw mai rawh,"a tih vangin hawsan ka tum bawk.

College gate aṭanga ka chhuak chu Remsanga ka hmu hlawl mai,a car nghengin a lo ding a,a lo hawi phei bawk.

Ka en a,ka nuih nghal vur vur,mahse le...,"Sangsang,thil sawi lawk ang,"tih pahin Jasper-a chuan ka kutah a rawn vuan a,ka va han ngei tak.

Ka thinrim bawk si tih ngaihna hre si lo chuan,"Oii,kal teh i ninawm,mi inmelh romantic lai lai a,arsi a leng ṭep asin maw le...kiri kiri kiri,"ka ti a,a hawi lawl lawl a,ka thinrim ṭun mai.

A lam ka pan lai chuan a mitko san chung hian min lo en a,min zawt luk suh se,"I lo kal ani maw?"ka ti a,"Min hmuh hi,"a ti a,a lungawi lo em maw ni ber bur ni.

"Kal ang,"tih paha driver seat-a luh a tum chu,"Oii...Remsang,i va ngaihawm ve,"tih leh hmeichhe sang ṭha zet hian rawn kuah a rual a, ka hawi lawl lawl a.

Remsanga pawh chu a hamhaih nge ni a ding reng,"Oii..ka ngai lutuk che,"a ti leh a,a kuahna a thlah ve hram e.

"Min lo lam i tum a mi?"a la ti zui a,a chhîpah chuan pawh sawk sawk mai ka nap.

"Tum lo ve,hri amah hi,"tih pahin Remsanga chuan min rawn en a, ka lo meng kual ralh.

"E..hii...Wendy ka nia,"tih pahin a kut a rawn phar chhuak a,ka cuan lo chiang kher asin aw..

Ka vawn tak mai loh vang chuan a la let leh hna hna,"Kal ila,"Remsanga chuan min rawn en pahin a ti a, ṭhut luh mai ka tum chu Wendy mai mai chuan,"Ka lo haw ve nghal,"tih leh min luh khalh a rual a,aa...ka puak dawnin ka hria.

A hnungah chuan ka ṭhu ta ringawt a,kawngka chu na zetin ka khar bur a,an rawn hawi zawk mai.

Kan tlan chhuah phat aṭangin Dumi mai mai chu a ṭawng char char a,an college kal lai chungchang te a ni an sawi ni.

Ka thinrim tih ngaihna hre si lo chuan a sam zai chu ka pawt a,a rawn hawi zawk mai,"A ṭuak a,ka pawt chak lutuk a,"ka ti a,a nui sawng leh nghal a chhîpah chuan ka chum dawn em maw ni.

A ṭawng reng a,"Vacancy a la awm em?"a tih leh lek phei chuan ka insum thei ta chiah lo.

"Remsang,Duata...kan chungchang hi i ṭhiante i hrilh chiah lo a van ang ve,"ka ti a, Remsanga lo hawi chu rum deuhin ka lo en a, ka hawisan hmak.

"La hrilh lo..ka lo theihnghilh daih pek alawm le,Wendy hi thlah phawt ila,chuan ka thlah ve nghal dawn che nia.."a rawn ti leh a,ka chhang lo,"Ke a nei alawm,"tih te chu ka tum ut ut tawh.

"Aw le.."ṭha deuh chuan ka ti a,kan Laldumte-i pawh a ngawi hmak tawh, ṭha lutuk.

Wendy chuan,"Tah hian ka lo chhuk ang,"a ti a,car a dung zui zat.

A chhuk rual chuan,"Lo ṭhu phei la,"a rawn ti a,"Tlan mai mai rawh,"ka ti hlar thung.

Min biak phet a tum a, ka chhang eih lo,ka chhang dawn lo hrim hrim.

In kawt kan thleng a,chhuk tharin kal ka tum a,a rawn chhuk ve a,a thil rawn tih vang chuan ka khawng vek.

HELLO OFFICER 💞

Chapter 8

Ziaktu:venpuii

Ka hmuiah chuan a rawn fawp a,khawlai a ni bawk si a,miin min hmuh ka hlauh vang chuan ka namsan a,rum deuha melhin,"Oii...ka ngai tawh lutuk che..min lo hruai dawn em ni?"Wendy aw phawi ang deuh chuan ka ti a,min en heu mai.

Rum deuha melhin inchhungah chuan ka luhsan a, ka piin min lo chiau au leh thuai bawk.

"Zanah i pa te an lo leng dawn a..."a lo ti var a,a lo nui leh sang tawh,"A nimaw?Tu tu nge lo kal dawn?"ka ti a,"Ka hre lo,kan lo kal dawn an ti tawp a,"a ti leh a, ka hmuh khatzia ka hrechhuak nghal ram ram.

Ka u te pathum hian nupui fanau an nei vek tawh a,kan upa ber chu a hna vangin Lunglei lamah an awm a,a dawt chiah chu Aizawlah tho a awm a,in hrang a chang tawh,ka u chiah hian inpui a luah thung.

Sawi tawh angin kei erawh ka pi leh pu bulah ka awm nasa a, Raphael-a nen hian kan awm nasa leh zual a tih theih.

"Ka han inthlak lawk ang a,ka lo pui ang che,"tih leh inchunga chhoh ka rual a,ka inthlak lai chuan pawna thil thleng ka ngaihtuah let a,ka lu ka thing nawk nawk,miin min hmuh mawlh ka hlau.

Ka inthlak lai chuan ka phone a rawn ri a,ka en chuan kan val senior-a call a lo ni,ka pick a,"Eng nge?"ka tih chuan,chek hlukin,""Min thinrim khalh,"a ti a, thil dang a sawi leh hmain ka hang up daih.

Kha Wendy lah kha,a... ngaihtuah lo law law ang,ka thinrim mai mai.

Ka inthlak zawh hnu chuan Inhnuaiah ka chhuk a,ka pi rawngbawl chu ka pui nghal sawk sawk,eng eng emaw a sawi a,ka u fate chungchang chu a sawi a,a ngaih thu nen, keipawn ka ngai mahse...an harh lutuk a e,a ngaihna an awm hlawl lo.

Harh chikimin an harh a, an che rang hlawm si,kawl phe nen hian ka tehkhin lo thei ṭhin lo.

Rawngbawl kan peih chiah tihin ka pu'n chaw ei a rawt a,chaw ei lai chuan dan ngaitein ka pu'n ka ni hman a nawm leh nawm loh min zawt a,a nawm thuin ka chhang na a,a nuam hlawl lo...

Chaw eina ka tih fai laiin ka vah kawlphe team ho chu an rawn lut a,a upa ber chu rawn lut ṭha ta mai lo chuan a rawn lum lut kher a,ava han harh chiang...

Thleng ka sil laiin ka bulah chuan an rawn in tlar a,an tê berin,"Nini,hla kan tiam thai a,"fiah lo deuh hian a rawn ti a,nui chungin,"Eng hla?"ka ti a,an kut dinglam chu an awmah an dah ṭhap a,chutah le,National Anthem chu an sa a,khai leh a pui e.

"Ana gana matila aka jayi he,bhalata bha gya vida tha,panda basi...tu guchala,"an ti a,a ni em emin ka hre tawh lo.

"A tawk a tawk a tawk,a phuahtu'n a hauh cheu in hlau lo em ni? Tu nge zirtir cheu?"ka ti a, ka u bak va ni suh.

"Papa'n,"rin ang ngeiin an ti rual dual a, sitting room lamah an phei leh nghal dual.

Ka nu leh pa leh ka u nupa an rawn lut a,inchunga chho ta bik lo chuan an bulah chuan ka ṭhu ve ta reng a,an haw hnuah chiah ka room-ah pawh ka chho leh a,a lo tlai ve leh duai tawh.

Ka phone ka en chuan val senior-a missed call a lo tam na ngiang mai, message lah chu engtin em em nge maw a type peih tih tura a tam a lo hnutchhiah.

Ka seen zone a,a rawn call leh har lo,ka pick ve ta hram a,sawi tura bar pawh ka hre lo.

"Wendy vang khan i lungawi lo em ni?"a ti a,"Aw,"khawng deuh chuan ka ti a,"Tihpalh,"a rawn ti a,"I eng nge anih?"ka lo ti daih, khatiang khawpa ngampa chu in kumkaihna eng emaw tak an nei tih chiang reng.

"Ka sawi ang a,i thinrim veih,"a ti a,"Sawi la,"ka ti a,"College kan kal laiin kan inngaihzawng ṭhin,"a ti a, thinrim chiah theih ni bawk si lo,"I van duh chhe fullfill,"ka ti a,"Nang i ṭha fullfill thung alawm,"a rawn ti ngei a,"Oii...ka zo lo,"uang deuh tak chuan ka ti a,a nui hawk hawk mai.

"Naktukah chhuak ang aw,"a rawn ti a,"Ngatan? Khawiah?"ka ti leh a, khawiah tehlul nge maw kan chhuah ang le.

"Len mai mai,"a rawn ti a,"Khawiah?"ka ti leh chuan,"Ka ṭhiante inah,"a ti a,"Aw..ka hre lo le,"ka ti a,"Hre rawh,"a tih chuan,"I fel leh fel loh a zir,"ka tih chuan,"I uang thei emai,"a rawn ti fahran a,ka nui hak.

Kan inbiak lai chuan ka lo mutthluk san daih leh nghal,ka phone riin min kaitho a,ka en chuan Remsanga a lo ni,tunah dar 5 a la ri lo a,eng nge maw a hriat ni.

"Imm.."phak deuhin ka ti a,"Tho tawh la,"a rawn ti var a,"Ngatan chhunah a ni lawm ni kan len dawn?"ka ti a,"Morning walk,"a rawn tih chuan,"I ti rapthlak e..."ka ti a,ka peih teuh lo.

"Lo inpeih rawh hei ka rawn tlan mek..."a ti a,"Ka la mu duh,"ka ti nui nui a,ka thawh hun a ni lo hrim hrim.

"Vatin..."a rawn ti a,ka va han ning tak,"Imm..ka lo chhuk ka lo chhuk,ninawm,"ka ti a,thoin ka hmai ka phih a,ka tracksuit chu lain ka inthawlh a, ka sam chu sang deuh takah ka ṭawn a, sneakers bunin ka chhuak ṭham ṭham a.

Kawngpuiah chuan min lo nghak vang a,kei ka tum bur laiin a nui vur vur a,mi mutui lai inkaihthawh ngawt ka ril mai ni lo,ka taksa zawng zawng hian a rem lo ṭhak.

"I va tum nasa ve,"nui chungin a ti a,ka chhiat khum nawk nawk,"Kal ang le,"tih leh tlan a rual a,ka um ṭuang ṭuang a,ka hah hma ropui si a,ka let tawp ang tih te ania ka hlauh ni.

"I te nanga ka rin aiin i hah har,"kan let leh lam chuan a ti a,ka hmel aṭang hian ka hah tih te chu a hre ve reng ang.

"Va lut tawh rawh le,"a ti a,kan inkawt kan lo thleng der tawh chu niin.

"Imm...anih bye,"tih leh kal ka rual a, inchhung ka lut ka pi'n min hmuh chuan,"Khawnge i kal a?"a lo ti a,"Ka walk a,"ka ti a,tui min lo thlit vat.

"Pi vawiinah chhuah i phal em?"ka ti a,"Phal loh pawh a awm lo,mahse khawiah nge kal i tum a?"a ti a,"Len kual mai mai a nimai,"ka ti a,a lu chu a bu nghat nghat a,tihzia ṭhin.

Chaw ei kham veleh ka tifel sawk sawk a, intifaiin ka insiam a, kawrfual paw dal,a vara par ka ha a,ka chawn chen vel ani,flatforms ka bun thawk a,ka sam a hmawr herh kirin ka thlah a,inhmeh ka in tive takzet.

Phone chu ka la a, Remsanga chu call-in ka inpeih thu ka hrilh a,a lo thlen ṭep thua min chhangin kan ti tawp zui a, keipawh Inhnuaiah ka chhuk thuai bawk.

Ka pu'n min lo hmuh chuan ka kalna tur min lo zawt a,ka chhan lai mekin ka phone a rawn ri a, Remsanga anih vang chuan ka pu chu be sawk sawkin ka chhuak a,kan in thlen hma deuhah chuan a car a lo ding vang mai.

Ka pan vat a,chuan pahin,"Khawiah maw kan len dawn?"ka ti a,"Ka college kalpui te inah,"a ti a,kan inbe zui lo.

HELLO OFFICER 💞 

CHAPTER 9

Ziaktu:venpuii

Car a din rual chuan,"Kan thleng ta,"a ti a,a chhuk rual chuan ka chhuk ve vat a,ka kutah nghet deuhin a kai bawk.

A ṭhiante in a tih chu concrete building pakhat a ni a,a air step-ah chuan kan chhuk a,inhnuai zawk hi tihna anih ka ring.

Kawngka chu a kik karh karh a,lut tura sawmna kan dawn hnu chuan kan lut a,mipa 4 hi an lo awm a, Remsanga-te nen chuan an in chibai liam liam a,pakhatin,"Hei tunge?"a tih chuan,"Ka nupui hual,"tiin a chhang let mauh mai.

"Imm...ka rin dan chiah senior tawh vek vek hi chuan naupang deuh hi an duh ṭhin,"pakhat chuan a ti leh a, ka nui ru tet tet.

"Khai leh, Wendy nen in la inṭhen lo a maw ka tia,ka sawm ve asin,"a rawn ti a,a lo kal ve tak tak dawn em maw ni,a lo kal anih chuan chhuanlam ka siam ang a,ka chhuak nal nal ang ka tih rikruk lai mekin kawngka an rawn kik a,amah ngei mai chu a rawn dak lut ta heu mai le.

Min hmu chu a lawm chiah lo nge ni a ner sawk a,ve a,ani ai chuan ka la ner hmelṭha thiam tho tho.

Amah aia nasa chuan ka ner a, a meng rum ul mai,Remchhingkhuala banah chuan nghet zetin ka kuah bet ṭai a,rin ang chiahin ka vawnna chu a en chat a,kei ka kiai sak thung.

Kan ṭhut fel hnu chuan ka zun a rawn chhuak a, bathroom awmna ka zawh chuan min lo hrilh ve mai a,ka zung zo bathroom aṭanga ka chhuak chuan balcony lama an inzui chhuak ka hmu a, ka dang a ro deuh vangin tui chu ka in a.

Tui ka inzo ka inher chu ka phu zawk thei, Wendy chu ka hnung lawkah a lo ding reng a,"Min ti phu alawm,"ka tih chuan min rawn hnaih a,min thlek kual dan dan hnuah,"Remsanga hian a duh tak tak che i ring em?Ni lo,keiman kan hrilh ang che,nang hi chu a toy mai mai i nih hi,lo ngai reng rawh thinlung leh tih takzeta a duh leh a hmangaih chu kei hi ka ni,"chapo hmel zet hian a ti a, ka nui hak.

"Ka lo ngai alawm,mahse,a lan dan chuan nang aia a thlan chu kei hi ka nih hmel tlat, inngaizawng karah hi chuan hmelma hi hrang se ka duthusam, inngaizawng inkara hmelma an hrang eih lo anih chuan an hmelchhe ve ve an tih ṭhin kha,lo hria la, Zoremsanga hi ka ta a ni,chum tawi i duh loh chuan lo inrawlhin lo inzep ve duh tawh suh,"ka ti a,chum tawiah te chuan ka vo lehnghal a,dik tak chuan kei aiin a sang daih zawk.

Ka kal dawn chuan ka nek nawk a, ka thinrim ṭun mai.

Balcony-ah chuan ka chhuak a, Remsanga chu enin,"Haw tawh mai ila, ka nuamsam chiah lo a,"ka ti a,ka pum a na riai riai.

"I eng nge na a?Lo kal la,"tih leh min kaih a rual a,a ṭhiante chu hrilhin kan kal a, kan chhuak tur chu Wendy chuan Remsanga chu a lo bia a, Zoremsanga lah chuan ṭha deuh deuhin a chhang a, Wendy intithei hmel chuan min hawlh puak chiang lutuk.

"Ka ning ka ning ka ning,"tih leh min vawnna chu phelhin ka chhuak nal nal a, ka thinrim lutuk chu ka ṭap lo chauh.

Ka hnung lam aṭanga min auhna pawh chu ngaihven duh lo luiin ka kal zel a,car bulah chuan ka nghak leh tho a, awmzia a awm lo tak tak,ka tlan hah hrep.

"I kal vawk vawk a,"tih leh ka bula rawn din a rual a,ka melh rum deuh hlur thung."Kal ang,"tih paha motor-a luh mai ka tum chu Wendy bawk a rawn kal leh tawh.

"Ka lo haw ve nghal,"a rawn ti leh tawh,huh,an duh leh an pahnih hian haw pur pur rawh se,keichu ka inthiarfihlim nghal hmak.

"Lo indawlh nghal law law ro,"tih leh kal ka rual a, ka thinrim lutuk tih ngaihna hre bawk silo chu ka insehruh ṭeuh ringawt.

"Eng nge i hriat?"ka kuta rawn man pahin Remsanga'n a ti a,a aw chu a chang lek lek.

"Eng nge ka hriat loh zawk?"ka ti a,"Dangdaite,eng nge i duh ber?"a ti leh a,"Ka duh duh,"ka ti vawr ve hlar bawk.

"Ṭha deuhin i duh sawi mai la,a har viau a mi?"a ti ta hrawk a, ka melh tlawk tlawk hnuah,"Imm...ka hrethiam a sawi dik,ni e... keimah zawk hi ka lo inrawlh reng anih hi,a tawk viau e,"ka ti a,"Eng nge awmzia?"a ti a,"Engkim kha tawp rawh se,"ka ti a, ka ṭap ruah ruah chak.

"Eng vangin? Ṭhen che ka duh hleinem,"a ti a,ka nui ro hak,"I thaw fresh anih chu,"tih leh taxi rawn tlan phar ka rual a,in lam ka pan nghal vang vang.

In kawt ka thlen chuan ka thaw hak a,ka va han lut chak lo mai mai tak em....

Lut ta thoin ka pi bawk chuan min lo chiau au leh thuai a,ka chhang mumal meuh lo,"Pi, ka nuam lo deuh a,ka han mu lawk aw,"ka ti a,a chhanna pawh nghak tawh lem lo chuan inchungah ka chho nghal nal nal.Inthlakin khumah ka mu a,ka phone lah chu a ri reng bawk.

Ka lo muhil aniang,ka harh leh chuan khua a lo thim chhulh tawh a,sana ka en a,dar 12 a lo pel fel tawh.

Ka phone ka en lai mekin a rawn ri a, number hlang a ni,lak loh ka tum zet hnuah a pawimawh takin tiin ka la a,"Hello,"ka tih rualin,"Lo chhuak rawh,i lo chhuah loh chuan ka lo lut dawn tih hre rawh,"lehlam a mi chuan a rawn ti pawng pawng a,number dang aṭangin min rawn bia anih hmel.

"Ka sawi vek tawh,tih tur emaw sawi dun tur emaw kan neiin ka hre tawh lo,"ka ti a,"Ka la sawi ve reng reng lo,"a ti a,"I duh leh ti khan be ul ul la ti nia,"ka ti a,ka sawi zawh rual rualin ka inchhir.

A rawn au ta vak vak mai le, ka thinrim bawk si, ṭhenawm khaw veng te,ka pi leh pu,oiii,"Chhura,ka lo chhuak,"ka ti hluk a, ka va han hne tak.

Thawm dim deuhin ka chhuak ṭham ṭham a,a motor bulah chuan khi sawng chungin a lo ding a, ka oet sawk dawn em maw ni zawk chu,"In ru ang,"a rawn ti a,he val senior hi la bo ru...

"I zak em?"ka tih chuan,"Aih,"a ti a,"Innei ang,"a ti leh,"Khaw lo suh,"ka ti a,nui chungin,"Khua bawk alawm,"a ti a,a rui chiang...

"Zu i in em ni?"ka ti a,a lu a lo bu vei nghut nghut nia,"Va haw rawh,"ka tih leh chuan,"Lo kal la,"a ti deuh tlat a,ka chhip thlak dawn em maw ni zawk chu ka ti rum rum tawh.

"Innei te chu damchhung an intiam ṭhin,i hria,i thei loh tur thil tiin midang tina suh,"ka ti fak a,"Ka tiam tgeih dawn cang chea ka sawi,"a ti leh.

"Nang nen hi chuan kan rem lo hul,"ka sawi zo hman lo,ka hmuiah a rawn fawp a,a che chu a dam ruih a, ka chhang let ve nghe nghe bawk.

Ka chhan let rual chuan min thlahin,"Inṭhen i duh bik lo,"a ti a,"Duh lo,mahse...i ex ten ka bula i toy mai mai ka nih thu min hrilh reng hi ka tuar thei lo,bakah,"ka tih leh chuan,"Keimahah rinna nghat rawh,"a ti nghet charh mai.

"Midang thusawi ngai pawimawh lo la,ka thusawi chiah ngai pawimawh rawh,i ta chauh ka ni,"a ti a,ka en vang vang a,ka lu ka buk tak nghat nghatah chuan a nui suk mai.

"Innei mai ang,"a ti a,"Ka la naupang emai..bakah kan inzui a a la rei lo a,chu bakah ka chhungte,"ka tih chuan min lo pawt chatin,"Inneihna chuan inzuina rei leh rei lo lam a thliar lo, inzui rei tak a hnua inṭhen te pawh an awm a, chutih laiin thla hnih chiah inzui innei daih te pawh an awm, inneihna chu inzui rei lam niloin inhmangainaah a innghat zawk,"a ti a,a dik viau mai.

Chutah rawn sawi zawmin,"Bakah kan inzui rei lutuk te chuan a ṭha nang, tlangvâl pangngai ka nih loh hi, val senior un ja nih kha,"a ti a,ka nui haj,a senior tih chu a pawm ve thlap.

"Engkim huamin min zui duh angem?"a ti a, ka ngaihtuah vang vang,ni e, ka chhungte ka ngaihtuah lo thei lo na chu ka hma ka sial ve theihna hun niin ka hria.

Ka lu ka bu nghat nghat a,a car-ah chuan lutin kan tlan chhuak nghal a,in lian deuh pakhat kawtah car chu a ding a,a chhuk nghal zat.

Kan chhuk rual chuan ka kutah min kai a, inchhungah chuan kan lut leh ṭham ṭham,a room ni awm takah chuan min hruai lut a.

Zinga ka harh chuan ka bulah Remsanga a lo mu tawh lo a, ka hawi hai hman,mahse, bathroom lama thawm ka hriat takah chuan ka thla a muang huai huai.

"Morning,"a lo chhuah pah chuan ka biangah a rawn fawp a,"Engtin nge niang?"ka tih chuan,"Eng?"a lo ti a,"I chhungte,"ka ti a,nui chungin,"Va intifai la,kan chhuk dawn nia,"a ti a.

Ka intihfai zawh chuan min kaiin step-ah chuan min pen thlak pui a,ka va han huphurh tak.

"Pu,pu,nu,pa,"a ti a, rei loah an rawn kim nghal ṭhap,min hmu chu mak min tih hmel a bikin pu Mawia'n.

"Eng nge i lo tih?"a ti ta chiah a,Remsanga chuan nui heu chung hian,"Kan innei,"a ti aa hnungah ka sik hlawk hlawk,zahna a ti pung.

"Ah kan inkawl,"te chu a ti tak deuh deuh a,a pu chuan,"Ehe...hnung lama sa barh,"a rawn ti a,midang chuan engmah an sawi lo.

"Ngawi teh ngawi teh,Thanga chu kan bia ang e,"a ti a,dan chi a ni tawh bawk si lo.

A ngaihthlak vang vang hnuah,"Aw...hei Thanga,i tunu leh ka tupa hi an inru daih,"a va tia,a... ka zak.

"Nia hei a mak khawp mai,tih vak ngaihna ka hre lo,kan lo vaw mai dawn em ni?"a ti a, Remsanga a nui sak.

"Tinge?"tih pahin ka hawi chho a,"Amah hi chuan a rem ti chiang sa,"a ti a,huai taka...

HELLO OFFICER 💞

Chapter 10

Ziaktu:venpuii

"Lo kal ru,chaw ei phawt ila,"Remsanga nu chuan a ti a, ka kutah rawn vuanin,"Lo kal rawh Bawihi,"a ti a,choka lamah min hruai a.

Chokaah chuan hmeichhe pakhat hi a lo che sawk sawk a,"Tu nge i hming?"a rawn tih chuan,"Lalnunsangi,"ka ti a,ka zak tlat.

"Engtia rei nge in inzui ve tawh? Engmah lah chu kan hriatpui der si lo cheu a,"a ti a,ka sawi hreh tlat,kar khat pawh kan la inzuiin ka hre lo e a.

"Ah..a la rei vak lo,"ka ti a,nui chungin,"Kum engzat nge i nih?"a ti leh a,"Kum 23,"ka ti a,min biak tak seuh seuhah chuan tlemin ka nel ve ta deuh.

Chaw kan ei a,min be bawrh bawrh a,ka rin phak bakin an fel.

"Chaw ei khamah kan va dah che ang a,zaninah palaiin an rawn zui nghal ang che,"Remsanga pu chuan a rawn ti a,ka chhang lem lo.

An sawi ang ngeiin chaw ei khamah chuan min va dah a,ka nu leh pa leh ka u te pahnih pawh an lo awm a,ka inthlahrung tak tak a ni.

An awm lai chuan engtin teh ual min ti lo a,an haw hnu chuan min zilh malh malh a,midang chu ka hlau miah lo,mahse ka pu la ṭawng ve miah lo chuan ka ngaih a ti ṭha chiah lo.

Rei ngial a ngawih hnu chuan min rawn en pah hian,"In inruk dawn tho tho te chuan min hrilh ve ta che,"a rawn ti heu mai.

"Ka hrilh che chuan inruk i phal nang,bakah tumah chhungte phalnain an inru ngai lo,"ka ti a,eng nge maw awmzia ni.

"Chu pawh ni se,ka tel ve chak alawm,"a rawn ti a,teh daih chuan,a thinrim berin ka ring ania, mahse a ni lo nasa a ni.

"Eng nge awmzia?"ka pa chuan a ti a,ka pu chuan nui chungin,"I chhur viau a maw ka tia,tiang tihna chang te i lo hre ve a,a va vanneithlak letling ve,"a ti a,ka bo map mai.

Chutah nui chung hian,"I duh phawt chuan i nei dawn nia,"a ti ta a, khai leh...a phal,a phal chiang alawm.

Ka haw zan chuan ngaidam dilin palai an rawn tir a,a hnu lawkah palai pangngai an rawn lang bawk.

Ka pu leh a pu an phur bawk a,a kaw duak duak mai,kan inneih ni atan chuan October ni 26 an ruat a, inbuatsaih nan kar 2 bak kan nei tawh lo.College pawh zawm tawh loin ka bang bawk.

Naktukah hian kei,Remremi,ka monu te nen mo kawr kan en dawn a, ngaihtuahnaah Rintei a rawn thar a,pasal kan neih hunah chuan ṭhiana in hman ve ve kha kan tum ania,mahse...a rem ve tawh si lo.

Ka tun hun te hi min han hmuhpui ve thei se ni tur, ka phone a rawn ri a, ka en chuan Remsanga a lo ni.

"Hello,"ka tih rualin, a ngawi vang vang a,chutah le,a rawn zai ta al al mai,Lalṭanpuia Tochhawng hla phuah,'Min tuah rem thuai se,'tih chu a sa a,a zai laklawh lai tak chuan,"U i va bê nasa ve,a muttheih miah loh ania aw,"a nau Mawimawii chuan a rawn ti a,ka va han nui nasa mai mai tak.

"Mi inlak romantic lai laiin Lalrinmawi,kal nal nal rawh,"a ti hluk hluk a,ka nui khur char char.

A chhuak fel ta aniamg,"A nalh em?"a rawn ti a,ka nui hak,"I bê a mi?"ka tih chuan,"I thaw fresh anih chu,"a rawn ti ve ngei a,hepa hian ka zia a kai ve telh telhin ka hria.

"I la mu dawn lo em ni?"ka tih chuan,"Ka mu reng alawm,"nui chungin a ti a,"Val senior nghal sawt lutuk loh tur aw,"ka tih chuan,"Tlangval ka ni tawh lo,pathlawi nakin lawka nupui nei tur ka nih hi,"a rawn ti pang pang mai.

Rei ngial kan inhnial leh hnu chuan call kan ti tawp a, keipawh ka muhil zui ve nghal mai bawk.

Ka harh leh chuan khua a lo eng ut tawh a, ka thawh chhuah hnu chuan ham bai baiin inhnuaiah ka chhuk a, ka pu'n an in aṭanga pasal nei tura min tih tlat vangin an bulah ka la awm ve reng bawk.

Chaw ei kham veleh inchungah chhoin ka insiam a,ka phur lutuk a,ka thak sep sepin ka hria.

Ka insiam zo, Inhnuaia ka chhuk leh chuan an lo awm kim ṭhap tawh,"Call i va la thei lo,"Remremi,Remsanga,kan monu leh u Puipuia'n an lo ti a,ka silent daih alawm a va zia lo tak.

"Ka silent daih a,"ka ti a,ka inthlahrung lutuk ringawt.

"Imm...anih chuan i inpeih chuan kal ila,"Remsanga'n a rawn ti a,"In lo kal ve dawn a mi?"ka ti a,"Kan thlah ang cheu,thil tih lawk tur kan nei a,"a ti a,kan inzui chhuak dam dam.

Mo kawr kan en kual a,a to hlawm ṭak ṭak khawp mai,lei ṭul ka tih teh chiam loh vangin kan hawh dawn a,kan en kual lai chuan ka tum loh lutuk ka hmu a,dawr chhungah chuan Wendy leh hmeichhe pakhat an lo lut ve a,min hmuh rual chuan a mit ti zim leh san mai.

"Hei hi a nalh tawp,"tih paha Remremi lo ken chu ka en vat a,"Rem,a puk mah mah i ti lo em ni?"ka ti a,pakhat ka hmuh tirh phat aṭanga ka mit la tu chu kawh pahin,"Hei hi,"ka ti a.

A ban chu lase a ni a,malpui lai vel thleng a tight a,a bak zawng a awlrh thla a,a ban a,a lase an hman qng chuan a awm an chei bawk,a ni chuai lo a,a simple reuh lutuk.

"Oii...mo kawr hak ve tâk veka khatiang, ṭenghneng e..."min ngaihnep hmel deuh hian Wendy chuan a rawn ti a,ka chhang lo,a dawr nghâktute erawh an lawm chiah lo tih an hmel aṭang chuan an lawm choah lo tih a lang.

Remremi chuan min rawn zawt a,"Remsanga ex,"ka tih chuan a ner nawk mai.

"Mawiah,Sangsang i inhmeh dawn lutuk,i mit hi chu aw...a nalh thlawt,va ha chhin rawh,"a ti u Nunui pawn,"Ni e..va ha rawh,i inhmeh dawn lutuk,"a lo ti ve a.

Dawr nghaktu nula leh Remremi chuan min lo pui a, ka inen chuan nalh ka inti ve takzet.

Ka va chhuah chuan,"Ka duh aiin ka pian a pho,"ka ti a, Remremi'n,"A nalh daih zawk,"a ti a.

"Ni e...i pian a nalh e...nang chu,"u Nunui'n a ti ve thung a,dawr nghâktute pawn min fak sap sap a,Wendy ṭhiannu'n,"Oii...i tumtawi mah mah,i pian ang hak chi a ni lo,hei ka ṭhiannu te ang pian hi a ngai,"ner nawk nawk pahin a ti a, ka ngawihsan mai mai laiin,"Oii...i ṭhiannu ang khan ka ṭhiannu hi awm se i ti deuh tihna em ni?In pahnih a in make-up layer chhah turu dan kha,tuiin theh ṭhawt cheu ila,in rawng kha a da hawk thei ang a,"a ti a,u Nunui leh dawr nghaktu te an nui hak mai.

Ka phone a rawn ri a,ka bag aṭang chuan u Nunui'n min lo phawrh sak vat a,"Remsanga,"min pek pahin u Nunui chuan a ti a,Wendy a lo hawi zawk mai.

"Imm..."ka tih chuan,"Hei kan tih tur kan zo chiah a,in inpeih tawh em?"a ti a,"Imm...kawr hi ka ha chhin mek a,"ka ti a,"In awmna lo sawi la,kan lo kal ang,"a ti a,kan dawr awmna chu sawiin call kan ti tawp a,"An tih tur an zo tawh a,an lo kal dawn,"ka ti a, Remremi'n,"Lo kal rawh se, nangpawh ti khan la awm rawh,i inhmeh zia hi hmu ve reng reng teh se,"a ti a,ka nui hak.

HELLO OFFICER 💞 

CHAPTER 11

Ziaktu:venpuii

Inthlak ka tum a,"Lo la ha rih rawh,"an ti deuh tlat a,an lo thlen hma chu ka ha ve ta reng.

Wendy te lah chuan thep kawina tur ngawt an zawng leh ta nghal a,pawi lo, ti sawn lo ṭhu uih hmûn..teh se.

An lo thleng har phian a,a rei a reiah chuan an lo lut ve hram a lawm le.

Hmuh ka rin ka hmuh loh vang chuan mak ka ti, ni e, Wendy a hmuh khan a danglam kha ka ring ania,mahse a danglam chhin eih lo.

"I va inhmeh ve.."u Puipuia'n a ti a,nui chungin,"Kei te chu..."ka ti a,ka khi nghal var var.

"I nalh lutuk,"tih pahin Remsanga chuan ka chalah a rawn fawp zeuh a,midang an tam si,ka zak,ka zah dan chu a plural in ka hria.

Hawh tur chuan kan inbe fel a,kan chhuak zet tawh,car lam kan pan dawn lai chuan hnung lam aṭangin Remsanga an rawn ko a,kan hawi let nak chuan Wendy hmel ka hmu nghal zat.

A rawn pen hlawk hlawk a,Remsanga min vawnna kut chu a phih lawp a,a biangah a dawm nghal zat.

"Remsang,lo let rawh, khawngaih takin,kan hlim lo ve ve tih i hriat kha,"a ti a,huh,he mau tlawn hi.

"Hlim lo maw?"Remsanga'n a ti a,Wendy kut chu a vai thla ve lawp bawk, kan awmna chu a lun lutuk lo bawk a,tuman min hmu lo hlauh.

"I hre sual a ni maithei,ka hlim i hria em?A bula ka awm tawh phawt chuan,"tih pahin Remsanga'n min pawt hnai a,mitko san ralh ralh chungin ka en a,ka inrin hma hauhin ka hmaiah a rawn beng ta sawk mai.Ka biang a thip nghal ṭawn ṭawn bawk.

"Nang hmeichhia,"tih leh Remsanga'n a hnaih chilh a,u Puipuia'n a lo dang vat, keipawh chu u Nunui leh Remremi'n min buaipui a,"Engtin nge i awm?"Remsanga'n a rawn tih chuan.

"Alh tur ang hian ka awm,"ka ti a,a kiai suk mai,"Kal ang u,"u Puipuia'n a ti a,kan lut leh nghal diak.

Hmeichhe pathum a hnungah kan ṭhu a, Remremi'n Wendy a ngei zia thu mawlh a sawi a,a sawi chhe hneh bawk a, kan nui leh dar dar ṭhin.

U Nunui chu kan thlah kawi hmasa ber a,kan ina luh pawh a ṭhat rual rualin ka chau nghulh a,ka tha a za lo riau.

"Puia te hi thlah kawi hmasa lawk i la,nang chu nakinah aw,"a ti a,"Imm...a pawi lo,"tiin ka chhang a,a hna vangin a buai si a,hun thawl kan nei ngai mang meuh lo bawk nen,ka ngai ve riau ṭhin.

Ka luak lah chu a khât tawkin a chhuak êm êm reng a,han uak tuar tuar chu ka inthlahrung ve bawk nen ka awm ngawih ngawih ka ti mai,ka sawi thiam teh nuai lo ka awm dan hi.

U Puipuia-te chu kan thlah a,"Lo ṭhu la,"a bul chiah melh zeuhin a ti a,chhuk sawk sawkin a hmaah chuan ka ṭhu a, ka kut a lo vuan nghal zat.

"Ka tih palh aw,"a tih chuan,"Engvang chuan?"nui chungin ka ti a,"Wendy kha,"a ti leh a, ka nuih sen sen.

"A ho lutuk,engah mah ka ngai lo, bakah i thiam lohna a awm lo,"ka ti leh a,"Nang tê reuh hi chu aw,ka laldangdaite,"tih pahin ka hnarah a piai zeuh a,a nui suk suk mai.

Ka kut chu a vuan a,"Fa kan neih hunah eng nge a hmingah kan phuah ang?"a ti a,a nui pah suk suk mai.

"I ngaihtuahna a khawng khaw bai e a,"ka ti hluai a,a nui kur kur mai,"Khawng khaw bai lam ni loin eng nge an hmingah kan phuah ang?"a ti leh a,"Mipa anih chuan val senior-a,"uang thuang deuh hian ka ti a,"Hmeichhia anih chuan tar ki ringi,"a rawn ti ve leh a,a nghal leh nghal kan lo inkawp tih a chiang leh ta kuar kuar mai.

In kan thleng a,lut a ka sawm chuan min hnar a,"Zanah ka lo kal ang,"a ti a,ka hnial zui lo.

Chhuk mai ka tum chu ka kutah a rawn vuan a,ka hmuiah a rawn fawp leh zeuh,"Kal rawh leh,"a ti leh a,ka chhuk leh nghal nal nal,ka lai tlat zel.

Hawi let tawh loin inchhungah ka lut a, chokaah ka lut tlang a,ka pi'n rawng a lo bawl a,min lo nuih var var mai,ka kal hnai a,chuta ka pi chawhmeh siam rim ka hre chiah chu ka insum zo lo.

Choka bathroom-ah ka tlan lut rawk rawk a,ka uak ta tuar tuar a,a van hrehawm mai mai tak, luak chhuak hle e ti lo chuan ka luak thei lo a,ka pum lah chu a no nghulh mai si.

"Mate, eng nge awmzia?"ka pi'n a rawn ti chul a, ka uak leh tuar a,ka muttui a tla phung tawh.

Bathroom aṭanga ka chhuah rualin,"Mate,i ruak lo a ni lo maw?"a ti a,"Kawr ka hak hi,"ka piben chung chuan ka ti a,a nui hak mai.

"I rai a ni lo maw?"a tih chuan ka ngawi vang vang a,thla hmasa kha kan inruk ania,ka period hun ni 5 laiin a pel tawh chungin ka la period leh lo reng reng.

"Ka hre lo...pi, a ni em dawn em ni,"awih tho si,ring chiah si loin ka ti a,"Ngawi rawh, ti khan lo awm,"a ti a,a tlanchhuah hnu rei lo teah test kit nen a lo let a,"Va test rawh,"a tih chuan,"Engtin?"ka ti a,atih dan tur te chu min han hrilh leh rih.

Ka hriatthiam hnu chuan bathroom-ah ka lut rawk rawk a, minute 10 ka nghah hnu pawh chuan ka en ngam lo,ka tha a khurin ka hria,a rei a reiah chuan ka en a, ka thaw hak, beisei ang engmah a thleng lo.

Ngui taka ka chhyak chu ka pi'n min lo zawt vat a,"A negative,"ka tih chuan ka test kit chu a en a,"Aw....a.. Mate,a positive reng hi,"a ti a,"Maw?rin sen pahnih a awm kha,"ka ti a,nui chungin,"A positive,"a ti a,ka va han hlim mai mai tak,ka ṭap lo chauh hial a ni.

HELLO OFFICER 💞 

CHAPTER 12

Ziaktu:venpuii

"Oii..pi,engtin emaw hian ka awm,"ka ti a,ka ṭe chel chul a,a va han nuam dangdai mai mai tak.

"Eng maw?Khau a?"ka pu'n chokaa lo tlan luh pahin a rawn ti a,ka pi'n,"Khau lam a ni lo,pi leh pu kan ni ve tawh dawn.."a ti a,a ni pawh chu.

"Pi leh pu te chu kan nih tawh hi,"ka pu'n a ti ve leh,"Awh..khai khai hei Mate-i hi a rai,"a ti a,ka pu chuan,"Ehe...zawng ang deuh hi i hring ang nge aw,"a ti a,amak ṭhin.

"Amak e...nangmah a chhun loh che chuan a hmelṭha a nimai,"ka pi'n a ti ve leh a,an ni pawh chu.

"U,"tih ri ka hriat rualin Raphael-a a rawn lang a,ka lo kuah ve chuk chuk bawk.

"Ka nau,nu ka ni ve tawh dawn,"ka tih chuan,"Ka lawmpui lutuk che,"a ti a,nizana a thil theihnghilh a lak hnuah a kal leh nghal daih.

"Mate,Zorema i hrilh ve dawn lo em ni?"ka pi'n a ti a,ka pu nen hrilh kan inchuh,"Ka pasal tur ania,ka naute pa a ni bawk a,ka hrilh dawn,"ka tih laiin,"In inruknaah pawh min tel ve duh lo,chuvang chuan ka hrilh ngei ngei tur a ni,"a ti ve leh tlat.

"Imm...anih hrilh hmasa mai rawh,ka nu leh pa te kan hrilh ve thung ang nge,"ka ti a,a phone a phawrh zui zat.

Ka nu ka bia chu kan hlim dun khawp mai,zana an lo kal tur thuin kan inbiakna kan ti tawp a, inchungah chhoin ka inthlak a,ka khi reng mai.

Thil ri bawl ri ka hria a,ka la phu zawk zui,"Dawnglulawk,Dawngnghathulian,

Dawnghang,"nu Chami'n a ti tawn tawn a,a eng ber chu nge maw an buaina ni leh tawh ni.

"Insum teh,"pa Dawnga'n a tih rualin a ri leh lawl a, chawhtawlh a head leh tawh anih hmel.

"Ka ning tlat,i bula awm nan hi chuan taksa thir hlang pawn min daih lo ang,"a ti a,nu Chami'n,"Ṭha tak hian awm ve ta ṭhin reng che,"a ti a,pa Dawnga'n,"I thu lo ka tih vena zawng tak,"a ti a,a ri leh lawlh.

"Ka ning,i kawlh si,"a ti a,a phun bul bul a, hemite nupa hi chu aw...an inhau reng nanga in tih tlan emaw an nei lo,an awm dan ang ang hian an in en deuh tawp mai a ni.

Ka phone a rawn ri a,Remsanga a lo ni,"Aw,"ka tih rual rualin,"Fa kan nei dawn maw?"a ti nghal a,"Dawn lawm ni lalngo,"ka tih chuan a nui huk huk mai.

Khumah chuan ka ṭhu a,kan inbe ta reng, ngaihtuahnaah Rintei a rawn lut lo thei lo a,a van ngaihawm vawng vawng tak.

Ka ngaihtuahna ka kawm tui lai mekin,"Nutei ka ni tawh dawn,oii...ka hah lutuk,"Remremi'n a rawn ti lut a,a hah khat a niang a hmel nen zawng zawng a thaw."Ka hah dan hi,"a ti a,ka nui hak.

"Enteh naute chuan tiang te hi ngaihthlak nuam an ti,"tih pahin Zo Animation Studio 'Utawk aw lam lam"tih chu a play a,a va han hahthlak mai mai ṭhin tak.

"Mawli, ṭhu teh,"ka ti a, nui chungin, ka ti a,"Mipa nge hmeichhia anih ang le,"a ti a,"Khawi zawk nge i duh?"a tih chuan,"A piang piang,"ka tih chuan,"Tuai ni ta se,"a ti a,a va han awm ang lo ṭhin tak.

"I ti awm ang lo thei emai,"ka ti a,chuatia ka tih hnu pawh chuan ta se ta se tiin a zeldin kual a,min ti hlauthawng zo vek dawn alawm.

Zanah chuan Remsanga-te chhungkua,ka nu leh pa,ka ute chhûngkua an lo leng a,kan ri ve nak nak mai.

"An mahni ang hian naute hi a harh mai ang ah,"Remremi chuan ka vahte en pah chuan a ti a,ka hlauthawng ni e,an mahni anga harh hi anih chuan a rapthlak dawn lutuk kawlphe team an pun belh nghal a ni mai.

A sawi a sawi a,min ti mangang zozai lutuk,"Nau harh tur venna damdawi hi a awm em,"din hluai pahin ka ti a,min lo en ṭhap mai.

"Eng danna maw?"nui chungin Remsanga'n a rawn ti a,"Nau harh danna,harh deuh anih chuan kawlphe team an pun belh nghal dawn a sin,"ka ti a,tih ngaihna vak an hre lo nge ni an lo nui hak mai.

"Thlahtute a zir,"nui chungin Remsanga pu'n a ti a,"I harh em?"tih pahin Remsanga chu ka en a,a harh ang tih mawlh ka hlau.

"Harh rapthlak,a phe zek zek ṭhin,"a nu chuan a lo ti a,anih chuan a harh hrim hrim ang,oii...a va huphurh awm ve leh.

Remremi a lo riak a,mut hmunah rei lo tê Remsanga nen kan inbia a,kan inbiakna kan tih tawp hnu chuan ka phone chu ka en kual a,ka thlalak hmuh vang chuan ka thaw halh.

La dam vein ka rai thu te hi han hre ve se zawng avan lawm dawn teh lul em,ka ngai a ni,ka ngai takzet.

Ṭhian hlutna min hriattir tu,ka mal lo a ni tih min hriattir ṭhin tu,ka ṭhatna apiang duh tu, koh kir leh theih han ni la aw...mahse nang chu chelh din rual i ni tawh si lo, ka la mamawh che asin.

Ka insut riah Remremi a rawn ṭhu chhuak a,mittui nena ka awm min hmuh chuan,"I ṭha em?"a ti a,ka chhang thei mai lo."Tinge i ṭah a?"a ti a,ka phone-a ka thlalak ken a hmuh chuan a thaw ve hak mai.

Insumna leh timna nei lek loin kan ṭap a,mi kawhar tak pahnih,awm dun renga an khawharna inhriat tawn sak ngai lo, vawi leh khata inbun ruak dun,ni e,chu chu kan nihna a ni.

Kan inneih aṭanga kar khat hnuah ka pi'n rin loh leh beisei loh takin min kalsan leh a,ka pu hrilh a hai khawp mai,ka pu mai ni lo,kei thlengin.

Ka taksa thlengin a nghawng a,ka patea te college-in tent camping an neih lai a lo ni vei nen,kan buai khawp mai.

Ka pu chuan sawi chhuak lo mahse a tuar na khawp mai,pasal ka lo neihsan bawk si a, keimah talin awmpui ka duh thei ila ka ti a,mahse, hmeichhia chu pasal kan neih tawh chuan kan pasal leh kan pasala chhungte mit mei ven thawn ngei ngei kan ngai bawk si.

Ka pu chu ka ngaihtuah a,amah chauh chuan a khawhar dawn bakah a kum a tam tawh a, ka ngaihtuah a ni.

Rilru buai nak a ka din reng lai chuan,"Ka pa chu kan awmpui mai ang,"a rawn ti ta hlauh a, ka pu pawn a hnial lo.

Kan haw dawn tawh vangin ka chhungte chu ka thlah sawk sawk a, Remsanga nen chuan kan inzui chhuak a, kan boruak tawn nen ka hah hluah hluah.

"Thleng vat vat ila i mu hahdam dawn nia,"tih pahin ka darah a rawn kuah a,a motor lam chu min panpui bawk.

"Chhel deuha awm hram hram tur aw,i hriselnain a tuar phah thei a,bakah nangmah chiah i nih tawh loh kha,"a ti a,ka lu ka lo bu nghat.Ka chhipah a fawp zeuh a,a tlan chhuak nghal.

Ka pu te in leh kan in inkar lekah pawh chuan ka lo muthlu a, ka harh leh chuan khumah ka lo mu tawh, ka bulah Remsanga a lo mu a,ka ril lah chu a ṭam hiam hiam reng mai bawk si,ka pum te hi a na vek tawh.

"Remsang,"tih pahin ka sawi a,"Imm..."tih pahin a rawn ṭhu chhuak a,"Ka ril a ṭam,"ka tih chuan,"Eng nge i ei ang awh?Dar engzat nge?"a lo ti a,dar 12 a pel tawh.

"Eitur a awm leh awm loh zuk en chhin ang hmiang,"tih pahin min kai tho a, inhnuaiah chuan kan inzui thla ṭham ṭham a, chokaa kan luh rualin light a on a, fridge chu a en a, eitur eng eng emaw a awm nual mai.

"Ice cream kha,"ka tih chuan,"A ṭha dawn a mi?Zan reiah leh nghal i hritlang ang,"a ti a, ka ei chak lutuk chuan ka dil ka dil a,a phal bawk si lo,ka men ṭuau tawh.

"Anih chuan noodles hi thak deuhin ka ei dawn,"ka ti ṭuau a,"A ngai chuang lo,i pum a na ang,"a ti leh a,"A ninawm e, ka ei chak zawng apiang ei i phal lo zel a,"ka ti a,a thaw hak.

"Ka ngaihtuah vang che a nia,tihpalh,mahse tlem tê chiah aw,"a ti a,ice cream chu la chhuakin bowl-ah a suak chhuak a,a han phal tlem em em khawp a,ka melh kar a,a thaw hak a,a bawm chu ka bulah a rawn chhawp hnai a, ka in thiam chiah bik loh vang chuan tlem chauh ka ei belh a,"I va duh tawk hma ve,"a lo ti a,"Ka puar,"ka ti a,ka eina chu a tifel sawk sawk a, inchungah chuan kan chho leh a.

HELLO OFFICER 💞 

CHAPTER 13(LAST)

Ziaktu:venpuii

Kan mut fel leh hnu pawh chuan ka muhil leh thei mai lo va,ka taksa a za nasa bawk si a,a hreawm bawk si,Remsanga tih harh ka hlau bawk si a,ka awm dan chu a khingbai ka ti mai.

"I muhil thei lo em ni?"ka inleh leh rual chuan a rawn ti a,"Imm..ka taksa hi a za nasa lutuk a,"ka ti a,ka inthlahrung lutuk ringawt.

"Ka lo massage ang che aw,"a tih chuan,"Aih a ngai lo,a reh mai ang, muhil leh tawh rawh,"ka ti a,nui chungin,"Laldangdaite,"a ti a,a tho ta ṭuih ṭuih mai.

"Remsang,a ngai lo,mu rawh i chau ang a tlai tawh a, naktukah hna kal i ngai bawk si,"ka ti a,"A ho lutuk,lo mu rawh,"a ti a,dressing table-a massage oil chu a rawn la a,min massage thlap hnuah a mu a,hepa ka nei hi ka vannei,ka vanneihzia ni tin hian ka hre nawn awn awn mai dawn zawng anih hi.

Ka muhil chu ka taksa an rawn sawi vang chuan ka harh a,"Ka peih lo,"tih paha in lu khupin ka mu ṭha sauh sauh a, morning walk hi chu ka chem kalna a ni lo.

"Nau pai lai chuan exercise lâk ṭhat tur, exercise la ṭha chuan nau pawh an awl,"a ti a,"Naute hian mut a la duh alawm,"ka ti a,ka tho peih lo,dar 5 a pel peh awrh chauh ang.

"Tho rawh le,"a ti a,min tur leh tak sek sekah chuan ka ṭhu nawlh a,min lo nuih sang a,ka beng bu lâwp zawk dawn em maw ni.

Ka tracksuit chu tum burin ka in thawlh a,ka sirah a lo nui tet tet a,ka beng sawk chak tak tak.

"Ka peih lo e..."ka tih chuan nui chungin min kai chhuak a,"Ka lo tho kher a ani,"ka ti bul bul a,min kai chhuak lui tho.

Ka tum bur vang chu nge ni thui pawh thleng loin min letpui leh daih a, inchhung kan luh rual chuan Remsanga nau Mawimawii'n,"In walk a law?Naktuk zingah in walk leh dawn em?Ka lo kal ve duh,"a ti a,a tih ṭhin dan ang chiahin min zui leh chawt a,ngainat loh theih a ni lo reng reng.

"Lo kal ve tawh rawh,"ka tih chuan,"Kaihthawh huphurhawm dun dawn ve..."Remsanga'n a lo ti nuah nuah a,an lo tho kim vek tawh anih hmel.

Inchungah chhoin ka thawmhnaw te ka thlak a, inhnuaiah Mawimawii nen midang ei rawngbawl kan pui a,kan titi bawrh bawrha,a nuam ve takzet.

Hun a liam ve bek bek zel a, ka nau pai pawn thla 7 hmel a hmu ve tawh a,in fit loh sa naka laiin ka rih belh a,kan kal ve phei hi chu che ṭuih ṭuih tih zawng zawng ka nei kim vek a,mut ka duh tial tial emaw tih mai turin ka mu hnem a,mang te pawh a ang rum rum hial mai.

Ka nau pai lah chu ka a fual lutuk a,dawm a ngai a,ka chet vak vak an phal lo a,min khap deuh sek reng a,chet luih ve ngial ka tum pawn min khap hneh lutuk tlat.

Ka muhil chu ka pum na lutuk vang chuan ka harh hlawl a,ka mutna chu a huh vek a, ka tui bawm a kehin ka hria.

Ka bula mu Remsanga chu thei leh thei lo hian ka sawi a,a rawn ṭhu nawlh a,ka lo awm dan a hmuh rual chuan,"I ṭha em?"a ti a,"A na lutuk,"tih bak sawi tur dang ka hre lo.

"Nu,pa,"a ti a,"Damdawiinah kal ang aw,"tih leh min pawm a rual a,a na lutuk chu awm ngaihna reng ka hre lo.

"Eng nge a Bawiha?"ka nu'n a tih ri pawh ka hria a,"Ka hre lo nu,a pum hi na a tia,"a ti a,"Ka tui bawm,"thei leh thei lo chuan ka ti a,ka nu'n,"E khai hmanhmawh ang u khai,"a ti a,kan room-ah chuan tlan lutuin naute thil tur kan lei te chu a rawn la chhuak a, car-ah chuan min luhpui a, Remsanga'n car a khalh a,a hmaah ka pu a ṭhu a,a hnungah ka nu'n min ṭhutpui thung a,car dangin ka pa,ka pi leh Mawimawii ten min lo zui a,ka pu'n ka chhungte a be nghal maelh mawlh mai.

Damdawi in kan thleng a,nau neihna room-a min hruai luh dawn thlengin Remsanga chuan ka kut a vuan a,"Hlauthawng suh aw, hetah ka lo awm ang,"a tih chuan min thlamuan takzet.

A na lutuk a,ka chau tawh bawk si,san ka pe ṭha thei lo a,ka mit ka chhing ngawt ngawt a,ka mut a rawn chuuak em em mai bawk si.

Muhil lo tura min kohna te pawh ka hre vuai vuai a, ka chau tawh takzet.

"Ṭang rawh aw,vawi khat chiah dan han pe leh teh le, zam lo la,a lo chhuak ṭep ania,"nurse pakhat chuan ka bula lo kal pahin a ti a,a tawpnan sa ka pe leh a,"A lu a lo lang tawh,"an tih ri chu ka hria a, a tawp nan tak tak san chu ka pe leh a,naute ṭap ri ka hre ta chu ka thla a muang huai a,ka hlimzia chu tuna ka na tawrh ai hian a nep zawkin ka ring lo.

"I ti ṭha lutuk aw, hmeichhia a ni e,a hmelṭha lutuk,"an ti a,min buaipui mawlh mawlh a,nau neihna room aṭanga min nawr chhuah leh lai pawh chu ka hre mang lo reng reng.

Ka lo muhil a,thawm ri nak nak a awm vang chuan ka meng a,"A lo harh tawh e,"ka nu'n a tih chuan muang changin ka ṭhu a, Remsanga'n min lo pui thuai a, ka hawi kual chuan ka pu'n naute chu a lo pawm a,min rawn en pahin min pe a,ka han pawm chu engtin emaw hian ka awm.

Ka sawifiah thiam lo,ka hlimna hian van a tawng hialin ka ring a ni.

"A duhawm zia hi,ka lawm lutuk aw,"Remsanga'n a rawn ti a, ka lo ṭah nuih ti tih.

Ka pu'n,"I pi kha zawng la awm ve se aw..."a ti vawng vawng a,ka van lainat tak.

Ka pi mai ni lo Rintei pawh la awm ve se ni tur.

Ka nu leh pa an lo kal hnai a,"Hnute pe la,"an lo ti a,harh zawkin hnute ka pe a, thla sariha piang mah ni se kan vannei a,a tlei khawp mai,a ma tawkah a khal ve ṭalh a,"Eng nge a hmingah kan phuah ang?"nui chunga ka tih chuan," Ramdinmawii,ni rawh se kan lo ti a,"ka pu'n a lo ti a,ka hnial lem lo."Bawihte,"tih pahin ka nu'n min kuah a,a nui var var mai.

Nu han nih takah chuan nu dinhmun pawh ka hre chiang ve takzet.

Nu te tana fate lo hlutzia tur hi aw..ka ti,an hmangaih tur ziate thlengin,pa te pawh an bang bik lo na chungin nu leh fa inzawmna hi a thuk bik a,thla tam tak chhung min pai a,na tam tak tuarin min hring a, misual tak tak,rukruk hmang,buaina siam ching te pawh hi an nu te tan chuan hmangaih loh theih an ni lo, fate chu an sual poh leh kan hmangaih a maw tih mai tur a ni.

Miin an fate chungchang ṭawngkam deng khawng tak taka an sawi lai pawhin nu tan chuan an fate an hmangaihna a sawi danglam phah ngai hauh lo te hi mak ka lo ti ṭhin kha a nia,mahse tunah chuan ka hrethiam tawh.

Fate tan chuan hming chhiatna te, hmuhsitna tin reng tuar an lo ngam dawn a ni tih te chenin ka hre thar awn awn bawk.

Ni 3 damdawi ina kan awm hnuin kan chhuak a, ka ril a ṭam deuh vangin ka bula ka fanu leh ka pasal mu chu thawh sanin inhnuaiah ka chhuk a, eitur ka la zo inchunga chhoh leh mai ka tum chu Mawimawii'n min lo au ding a.

"U Sangsang, engtin nge hmangaih tu hi i thiar hran ṭhin?"a lo ti mauh mai a, ka nui hak mai, chutah ti hian ka chhang a.

"Hmangaitu dik tak chuan maw i hlimna a ngai pawimawh ang a,mahse a duh ber chu i ṭhatna leh i himna a ni thung ang,chhiat phah vek dawn pawh ni se i ṭhatna tur anih phawt chuan engmah tih hreh a nei ngai lo ang,i ṭhatna tur anih phawt chuan i harh chhuah theih nan kawng thim tak dai tur pawn a kawh hmuh ang che,mahse chu kawng thimah chuan i vawn tur leh i rinchhan turin i kiangah a awm reng ang,"tiin.

Bu nghauh nghauhin,"Ka lawm e aw,"a ti a, keipawh room-ah chuan ka lut leh a.

May thla tawp a ni a, fur in ṭan tur boruak chuan ka hun tawn meka ka hlimzia min hrilh nawn tluk tluk a, ka fanu ka sira tui taka muhil leh ka pasal muhil chu ngun fe hian ka thlir a, ka thlir ning thei ngaiin ka ring lo.

Ka khawvel chu an niah hian a inṭan ang a,an ni ah bawk a tawp leh ang,an hlim chuan ka hlim ang a,an lungngaih changin an in hnemna nih ka tum fo ang,ka chhungkua an ni miau a ni.

                      A TAWP TA