Moonlight chapter 16

Moonlight chapter 16

By: venpuii 

In ka thlen ve meuh chuan dar 6 a ri thuak tawh.Ka phone ka en a, Raphael-a message pakhat a lo awm a,ka open vat.

"Putea a dam sam lo va...ka in check-up pui daih a... zanah ka lo kal ang,"tih a rawn thawn a,ka reply ve vat.

Chhang leh thei tui hmangin ka inhnaqh puar a, ka intihfai laiin ka nu'n min rawn call-a ka inbual thu ka hrilh chung pawn a ṭawng char char tho.

Dar 8 rik ṭepah door bell a rawn ri a, Raphael-a a nih ka beisei laiin Felix-a leh a ṭhianpa an rawn lut heu mai a,ka hamhaih ti tih.

"Lo luh i phal em?"a ti a,"Phal e...lo lut ru,"ka ti a, ka rilru tak chuan haw daih se ka ti ang reng.

"Nangmah chiahin em ni i awm?"Felix-a chuan a rawn ti a, ka ngaih a ṭhat chiah loh vangin,"Ni lo ve...ka cousin nen,"tiin dawt dum lutuk chu ka sawi a,an awih leh awih loh phei chu ka hre lo.

Ngawi reng chuan kan ṭhu a...biak dan vak ka thiam bawk si lo va,an ṭawng lem bawk hlei lo.Kan inkawta bike a rawn din rik hrawih rual chuan ka thla a muang ve chauh.

Rei lo te ah door bell a rawn ri a,tho nulhin ka tlan phei a,ka inlengte chuan mak min tih hmel dun ngâng mai.

Kawngka chu ka hawng a,ka pawt lut rawk rawk a...sofa-a mipa ṭhu a hmuh chuan,"Saw saw sazute kha ani em?"a rawn ti a,"Imm... ni e leng turin ka sawm miah lo ania aw,"ka ti a,"Lungngai suh ka ring che,"a ti a,hepa famkim leh lutuk hi chuh.

Felix-an Raphael-a hmel a hmu chu a phu deuh zawkin ka hria,"Kan va haw phawt ang e,"a ti ta chiah reng a,"A la hma alawm,"Zothanpuia chuan a rawn ti ve ngei a,a rilru tê tê chuan haw se a ti ve tho ang.

"Ngawi rawh hma tawh lo,anih kan kal phawt ang nge,"an ti a, kawngka bul thleng ka thlah a,an kal hnu chuan ka bul chêtah a ṭhu a,"I putea chu engtin nge an lo tih a?"ka ti a,"A ṭha animai, hritlang khawsik mai mai ania.."a ti a,"I kalpui kher a duh ve ngei a?"nui pat pat chungin ka ti a,"Imm.."nui suk chungin a ti a,a hmelṭhatzia chu.

"Ni 31 zanah Feli-te ina hmanho kan rawt a,i kal ve thei ang em?"a ti a,"Theih awm tak aniah,"ka ti a,bu zeuhin,"Delancy ve thung hi?"a ti a, Delancy chungchang chu kan sawi zel a,"Dylan hian a duh a ang ka ti,"a rawn tih chuan,"Maw?"ka ti a,nui chungin,"A chungchang min zawt ve leh zeuh zel,"a ti a,a hmelṭhatzia mawlh chu mi zawng zawng hrilh fak a tling ang.

"Ka lai ve thei tho ania aw,"a rawn tih takah chuan ka phu zawk a,"Oii Lalramhuai min ti phu,"ka ti a,a nui huk mai.

"Raphy,"ka tih chuan a rawn hawi vut a,"Eng nge min duh chhan?"ka tih chuan,"Duh lohna chhan tur che ka neiin i hria em?"a ti a,"Aw...kei aia ṭha pawh i hmu tho awm si a,"ka ti leh a,ka hrechak ve hranpa hrim hrim.

"Lo kal teh,"tih pahin min kaitho a,ka zui ve mai..

Inchung berah chuan min chhohpui a,"Arsi zingah khian khawi khi nge eng ber?"a ti a, hawi vual vualin pakhat chu ka kawk a,"Sirius khi,"ka ti a,"Imm.."a ti sup.

"Arsi tam tak zingah khian arsi eng ber i hmu chat thei a,ka mitah chuan khitiang chiah khi i ni, khawvel hmeichhe tam tak zingah hian nang hi ka thlang che..."a ti a,ka kawngah vuanin a lamah min pawt hnai salh bawk.

Ka hmuia a fawh vang vang hnuah,"Ka hmangaih che,"a ti a, a thusawi vang chuan ka dak chho dawrhin ka hria.

Ni e... kan inzuina a rei ve tawh a..mahse min hmangaih thu hi vawi khat mah a la chhak chhuak chhin ngai eih lo.

"Min hmangaih maw?"mak ti fe chuan ka ti a,a bu zeuh mai.

"Ka hmangaihna che hi khawvela thu awm zawng zawng pawh hian an hrilhfiah zo kher lo ang, chuvangin chetziaa tih lan mai hi ka duh zawk a,i duh ang dik diak pawhin ka lantir kher lo maithei mahse,hei hi hria la,ka thinlung zawng zawngin, ka thawk tawp thlengin ka hmangaih ang che,"a ti a.

A thusawi chuan eng kawng emaw tak hian min fan a,ka ni lûk mai,ka hlim em em bawk.

A hmui sirah chuan dingdihlipin ka fawh sak zeuh a,a lo nui ri suk mai...

"In in kawtah ka awm tawh aw..."Raphael-an a rawn tih rual chuan kawngka kalh sawk sawkin ka tlanchhuak a,a leather jacket tur ka lei chu ka keng ran bawk.

Gate pawnah chuan a bike a awm a,mahse amah reng reng ka hmu lo, ka hawi kual lai chuan ka nghawng a rawn vawt thler a,ka phu zawk.

"Keimah,"a rawn tih rual chuan,"Eng nge a?"ka ti a, ka nghawng ka en chuan silver ṭhi a locket-a thla lem awm nalh zet chu ka hmu a,"Ti khan ka hual che,"a ti a, Raphael-a chu ka ho hian ka en a,ka hmuia fawh zeuh pahin,"Kha le..."a tih chuan a kuta a thil ken chu ka en a, teddy bear white colour leh rose senduk chu min pe a,"Ka lawm e aw..."ka ti a,a nui suk mai.

Ka leather jacket leisak chu ka pe a,a nui suk a,"Ka lawm e aw..."a ti a,"Kei deuh..."ka tih chuan min kuah leh vang vang rih.

Ka bekah a fawp tâwk a,"Kal ang hmiang..."a ti a,a bike-a chuan mai a tum chu,"Ka gift hi ka va dah lut phawt ang aw..."ka ti a,"Immm va dah la.."a ti a,ka tlan lut a,ka chhuah leh chuan a bike-a ṭhu chungin min lo nghak vang tawh.

"Kha hei hi khum rawh,"tiin a hmaa a helmet min khumtir ṭhin ngei mai chu min khumtir a,hepa hi chuan lungphu chawlin min la thih tir thei maiin ania ka hlauh ni.

"Min lo kuah la...ka Valenty,"a ti a,a hnungah chuan lawnin a kâwngah chuan nghet deuhin ka vuan a,ka kut leh lamin a ṭhi min pek chu ka tuai rauh rauh.

"Delancy,"ka tih chuan,"An kal tawh,"a rawn ti a,an kal dawn khan min rawn call thlap tak alawm,ka lo theihnghilh daih.

Feli-te in kan thlen chuan an lo kim ṭhap a,Delancy bulah ka ṭhu nghal thak.

"I zin aṭang khan i rawn thau haw riau,"Dylan chuan a rawn ti a,"A va han awihawm loh ber.."ka ti a,ka thau tak tak em maw ni.

Raphael-a thil sawi vang nge,Dylan chuan ka ṭhiani chu a ngaihsak thar riau hian ka hria a,ka ngaihbel mai mai zawk nge mi pawh ka hre lo.