Moonlight chapter 13

Moonlight chapter 13

By: venpuii

A tlan liam ka thlir hnu chuan thawm dim deuhin inchhungah ka lut ṭham ṭham a,ka chhungte an harh lo hlauh.

Ka room ka luh rual chuan ka mu thawk a,ka tal tawp tawp,"Duh loh hi i har ṭhin, duhawm lutuk nu,"a tih ri mawlh kha ka bengah a cham leh tawh.

Ka muhil thei mai lo leh nghal a, zahthlak hian a.

Ka muthilh ve meuh chuan dar 4 a pel var var tawh.Ka phone riah ka harh a,ka en chuan Raphael-a a nih ka rin laiin Delancy a lo ni,ka pick vat a,"I inpeih tawh em?"a rawn ti a,"Nga tan?"ka lo ti hê haw a,vin deuh hian,"Amak e...kan usher dawn vawiinah Advance Christmas kan hmang dawn..."a rawn ti a,ni tak maw...

Ka tho sawk sawk a,ka intifai thuak thuak a,ka dark circle lah chu a lang chiang em em leh nghal Zothanpuia vang vek.

Ka inpeih hnu chuan chaw pawh ei lovin Delancy te in lam ka pan a,a lo inpeih leh vang tawh.

Kan tlai deuh tawh vangin taxi kan la a, kalkawngah chuan nimin chanchin ka hrilh zung zung a,a lo bu nghut nghut a,"Ka van khawngaih,"a ti leh ṭhin.

Ka phone a rawn rik vang chuan ka en vat a, Raphael-a a lo ni,"Morning duhawmnu,"a rawn ti a, hepa hi chu aw....

"Taxi-ah kan chuang a, Delancy nen kan usher dawn a,"ka ti zung zung a,"Ka kal peih lo asin le..."a ti a,"Lo kal lo la,"ka tih hmuk lai chuan,"Chi nang ka hmu duh che alawm,"a ti leh lawi sia, kan dah hnu rei lo teah college kan thleng a,hall chu panin kan tlan a, kan thlen chuan a ṭul ang ang kan ti a,Felix-a kan semester a miin min biak mek laiin Delancy chuan min rawn sik hlawk a,ka hawi chhuah rualin Raphael-a te ṭhianho ka hmu nghal zat.

"Zanin eng nge tih i tum?"a tih lai mekin Raphael-a chuan ka darah a rawn kuah thak a,"Tunge a?"a ti a,Felix chuan,"I bialpa em ni?"a rawn ti a,ka chhan hma chuan,"Ka duh leh ka ni ang a, ka duh leh ka ni lo ang,mahse ka duh a,min duh bawk a,chuvang chuan kan ni,"a ti a,min kaisan daih.

Hepa hi a thik chiang lutuk.Ka khik vur vur lai chuan,"Ûmmm nang hi hrem deuh i ngai,"a ti a,a ṭhiante leh Delancy an lo nui hak hak.

"Lo va kalsan teu in uih,"a ti hluk a, nui kur kur chungin an kalsan a,"Ti nge kha tia i tih kher a?"ka tih chuan,"Hrem i ngai,"a ti a,"Hrem ka ngai bawk lo aw,nangmah vangin nizan pawh ka mu ṭha thei lo,"ka ti hlur a,"Nga ti maw?..."a tih chuan ngaihtuah mang loin,"Ka ngaihtuah char char che a lawm,"ka ti a,"Min ngai em ni?"a tih leh chuan,"Ngai e..."ka ti a,a nuih huk takah chuan ka harh chhuak zawk mai.

Phawk deuha ka en lai chuan nui chungin ka hmuiah a rawn fawp leh zeuh a,"Duhawmnu,"a ti leh a,min kaiin midang awmna lam chu min panpui leh a,kan titi laih laih laiin Raphael-a te semester a mi chuan Delancy nen chuan min lo ko a,tih tur a awm anih hmel.

"In lo chhawr nasa lutuk ang nge,"Raphael-a chuan a lo ti a,an nui huk mai,"Mipa hnaih loh tur aw,"a tih chuan ka melh rawm rawm a,"Melh pawh melh loh tur mipa i en duh chuan min en deuh tawp mai rawh,keimah hi ka hmelṭha ber,"a ti leh duah a,an nui uar uar a,Feli leh Hannah-i, Delancy phei chu nui uar tawh tak an ni ringawt.

Kalsanin tih tur ṭul ang chu kan ti a, programme an ṭan dawn vang chuan ṭhutna âwlah ṭhut mai kan tum a,khawi aṭangin nge maw an lo chhuah ni Feli leh Hannah-i chu an rawn lang hlawl a,"Ṭhutna kan lo hauh sak cheu,"an tia, Delancy nen chuan min kai dawr dawr mai.

A hnung berah chuan an lo awm a, games an lo khel a,an tui hlawm ngang mai.

Dylan-an,"Zothanpui nga ti nge username kan hman dun hi i thlak?I thlak dan lah hi a mah si,'Duhawmnu-i bialpa'i tia,tunge Duhawmnu-i chu?"a ti lauh a, ka va han zak tak,hepa hi....

"Mawla,"ka tih ṭhawt takah chuan midang an nui a, Raphael-a chuan,"Ka username ka thlak vang anih hi kan chak theih zel,"te chu a la ti deuh deuh a,Dylan pawn,"Nia,kan la chak char char,"a ti ve leh a, ṭha deuh chuan an khel leh rih.

Programme kan ṭan a, keini erawh hnung lamah kan bengchheng êm êm ringawt, programme lam chu kan ngaihtuahnaah a awm lo hrim hrim.

"Valentina, hetah elaw i lo awm?"Felix chuan kan lama rawn kal pahin a ti a, Zothanpuia zik zek chuan ring fahranin,"Hepa tê hian a melh strawberry che em maw ni?"a ti a,a sawi ring ropui si.

Felix pawh chu inthlahrung deuh hian a kalsan nal nal a,a kal liam chiah tihah Zothanpuia chu ka chum nawk nawk a,"RAMHUAI,"ka tih chuan,"Ramhuai,"hi min ti ve ziah suh,"a lo ti a,a lu buk lutukah chuan ka kek a,"Ana,ana,ana lutuk,"a ti a,ka thlah a,ka melh râwm râwm mai.

Ka ṭhu tum bur a,min biak lungawi a tim ngat ngat a, ka chhang duh eih lo,chhan chu sawi loh a melh pawh ka melh peih lo.

"In inhmeh e...."Feli leh Delancy chuan an rawn ti a,ka la tum bur tho."Tum tawh lo la...a nuam lo e..."te a ti thul,"Duhawmnu,"ka beng bula a rawn tih leh chuan thinrim viau e tiloin ka lai leh tawh,ka lungawi leh ta nge nge.

"Banah leng ang u..."Hannah-i chuan phur deuh hian a rawn ti a,"I sawi anih vang hrim hrimin ka peih lo,"Edmond chuan a ti a,"Nangmah chiah i kal lo ang,"Hannah-i chuan a ti a,"Ka kal dawn lo ka tih loh kha,"a ti leh lawi a,an inmelh rum lutuk.

Kei chuan thil dang deih ka ngaihtuah an inhmeh reuh lutuk.

Rei lo te kan len kual hnuah kan haw a, inchhunga ka luh rual chuan ka pa'n,"Bawihi,in chawl tawh ro ro ni 17-ah chho mai ila kan lo ti deuh a,"a tih chuan ka hawi â heu mai.

"Khawiah?"ka ti a,"I pu te bulah,"a ti a,ka hrechhuak Raphael-a pawh Christmas hmun dangah ka hmang dawn tih ka la hrilh reng reng lo.

"Oii pa ka lo hmang ve lo mai dawn a mawnle,"ṭi ru deuh chunga ka tih chuan min enin,"Ka hre nang i duh leh hmang la, mahse..."a tih lai mekin ka nu'n,"Hunpui hi chu chhungkuaa hman ho loh chu a tih chi loh,i duh leh kumthar chu hetah i hmang dawn nia,"a lo ti a,beisei nei deuha ka pa ka en chuan,"Immm nia i nu sawi ang khan, Christmas te chu khitah kan hmang ho ang a,"a ti a, ka huphurh lutuk chuan sawi tura bar pawh ka hre tawh lo.

Inchungah chuan ka chho a, room ka luh rualin ka zuang nawk nawk a, ka va han ning tak.

Raphael-a phone call ka dawn vang chuan ka pick vat a,"Hello,"a tih rualin,"Christmas thingtlang lamah ka nute'n hman an tum a..."ka ti a,"A va ṭha ve..."a rawn tih chuan,"Keipawn ka hmang dawn,"ka ti zuai raih.

"A chi nang,"a rawn ti hlut a,sawi tur a hre tawh lo aniang a ngawi vang vang mai,rei fe a ngawih hnuah,"Engtikah nge in kal dawn?"a rawn ti ta nge nge a,"Ni 17-ah,"ka ti a,"Engtikah nge i lo haw ang?"a ti leh.

"Christmas leh kumthar inkarah a niang,"ka ti a, a thawk hak hnuah,"Zanah ka lo kal ang, tukverh lo hawng rawh,"a ti a,"Aw,"ka ti a rei lo te kan inbiak hnuah kan inbiakna kan ti tawp a.

Ka nu'n chaw ei tura min rawn auh pawh chuan ka ei duh lova,ka mood hi an ti uih laklawh tlat tawh.Phal ṭhat ve hle hle mai awm...

Dar 9 vela khuma ka ṭhut dar dar lai chuan tukverh aṭangin Raphael-a a lo lut hlawl a, ka bula lo ṭhut pahin ka kut chu a hum vang vang a," 'Christmas chhung kan inhmu dawn si lova,naktuk zanah thlahna nei ang u',Feli'n a ti,"tih chauh a sawi a,sawi tur dang a hre tawh lo aniang a ngawi vang vang mai.

"A pawi hleinem khawiah nge niang?"ka tih chuan,"Dennis-a nu leh pa te an awm dawn lo va...an inah a nimai,"a ti a,a rawn luh tirh ai chuan a hmel chu hmuh a nuam ta deuh.

Dar 12 dâwnah a lo luhna tukverhte aṭang bawk chuan a chhuak leh a,a thlen huna min lo call leh tura min thlahin keipawh khumah chuan ka mu a, ka mutthilh lai pawh ka hre lo.

Min lo call na pawh chu zingah ka hmu ve chauh a,call back tuma ka tin zuau lai chuan amah zawkin min lo call a,ka la rang ngang mai.

Dar kar khat dâwn kan inbiak leh hnuah kan dah a,naktuk mai hi kan zin hun tur a ni tawh.

Inhnuaia ka chhuk chuan ka nu'n thinglui min lo pe a,"Dar engzatah nge kan chhuah dawn?"ka pa en paha ka tih chuan,"Chaw wi kham veleh a ni mai,khita hman chu i hreh viau em?Duh leh ni 27-ah i chhuk leh mai ang a,"a ti a,zep loah chuan hreh tak ka ni.Aizawl ka chhuahsan lohna lah a rei tawh.

"Vawiin chu mamawh te va inlam ve i la,"ka nu chuan kan bula lo phei pahin a ti a,ka phur teh chiam lo.

In ni ve em phei chu ka hre lo,nu te nena chhuah chu kan vak kan vak a,dawr ngaiah ringawt pawh vawi 4 te kan lut nawn a,a ninawm duh ka ti, chauh tawh phei chuan.

"Ni e...va kal tak rawh u,Bawihi nangpawn mamawh i nei lo em ni?"ka pa'n a ti a, mamawh ka neih awm pawh ka hre lo ve a.

Dar 9 rik ṭepah chaw kan ei a, ei ka theih tehlul nen thil dang ka ei ang hûin chaw erawh ka ei tam ngai lem lo.

Tukin phei chung nga ti nge maw ni ka chaw ei chu ni dang zawng aiin a tui thei lo va, ka eng tih tha mah pawh a tho lo.

"Nu,pa, ka ṭhiante'n ka hmangsan dawn sia an tia,zaninah inthlahna neih paha len ho an rawt a,"ka ti a,ka nu'n a nene kual laiin ka pa erawhin a lo phal leh thlap thung.