Moonlight chapter 10

Moonlight chapter 10

By:venpuii

Gate bula mipa min lo nghaktu ka hmuh rual chuan lawm chawp ka ngai lo,ka khi nghal vur vur thei.

A bul ka thlen rual chuan min lo ban a,ka bianga fawh zeuh pahin,"Kal ang ka Valenty,"nui chung hian a ti a,a hmelṭha lutuk ringawt.

"Lo chuang rawh le,"a ti a,a helmet a khum laiin ka lo lawn a,a rim pa lutuk chu ka hip lut leh kawk ṭhin.

A tlanchhuak a,a va han tlanchak lulai tak,a ding ri hrawk a,a helmet hnungah ka chal ka tauh chawrh mai.

A ri kawrh a,"A na lutuk,"ka tih rualin a rawn hawi phei a,"I ṭha em?Ka tihpalh lutuk,"a ti a,ka melh râwm râwm a,nui chungin,"Tihpalh lutuk aw,"a ti leh a,"Imm,"tih paha ka lu ka bu ka hawi chhuah chuan ka zak chem chem.

College kan lo thleng dêr tawh a,mi lah chuan min la en duh êm êm zui a,a nuam lo lam lek lek a ni.

Bike aṭang chuan ka zuang thla auh a,"I ke kha dim rawh thlasik a nia,a na thut thut ang,"a tih chuan,"Volini kha i lo dah a ni em?"ka ti daih a,nui tut tut chungin,"Ni e,"a ti a,a hmelṭha lutuk tih lam daih a ni ka lo ngaihtuah daih ni.

"Engtin nge i lo luh?"ka ti a,a san tehlul nen.

"A har hleinem bakah ka hmu chak che a,"a ti a,a nui leh tawh a va han hmelṭha ngawih ngawih tak.

"Lut tawh rawh le,"a tih chuan ka harh zawkin ka hria,kan building kawt thleng chuan min thlah a,midang mit kan la viau niin a lang.

Professor rawn luh hma hretin Delancy a rawn thaw lut hliam hliama ka rei ka theihnghilh daih a lawm maw le.

"An sawi nasa lutuk cheu,in ni a mi?"a ti a,"Aw, ka hrilh theihnghilh daih che a,nizan khan ka chhang a...."ka tih chuan nui sen sen chungin,"A pawi lo,ka hrechiang hmasa ber tho tho,"a ti leh a,henu rilru ṭhat êm êm dan hi aw....

Delancy nen last period kan neih loh vangin haw tumin kan in tintuah a, kan building kan chhuak chiah tihin ka bulah Zothanpuia a rawn ding a,"Last period i nei lo a mi?"ka lo ti thuai a,a lu buin,"Nei e,mahse...."sta ti fan raih a,"Eng nge?"ka tih rualin,"Ka haw chak,"a ti a,a va hahthlak ṭhin tak.

"Va kal la,"ka tih chuan,"I lo haw hman ang,"a ti deuh ṭung a,hepa hi..."Library-ah kan lo awm ang,va kal ru,"ka tih chuan a ṭhiante chu a en a,"Ka kal peih tawh lo,"an lo ti rual duâl a,min enin,"Ka kal lo mai ang a..."a ti a,ngen tak têa min ngen takah chuan ka aw ta tawp.

Raphael-a chuan Delancy en pahin,"Dylan,"a ti a, Delancy a bang bo lutuk, keipawh chu ti tho.

"Dylan-an a phur ang che aw,"a ti a,a va ngaihtuah kim ve reuh ve.

"A,aih a ngai lo,"Delancy'n a ti a, min enin,"Ka lo va haw zawk ang,"a ti a,"Ngai lo, i haw dawn loh chuan keipawh ka haw lo mai ang,"ka ti a,tih ngaihna a hre lo aniang thaw hawkin Dylan lam chu a pan a,a kal paha,"A bike hnung hi..."a tih chu ka hre thei.

Ka leh hawi chuan Dylan-a bike hnung chu a san zia ka hmu ve chauh.

"Lo chuang la,"Raphael-a chuan a ti a ka lawn hnu rei lo teah kan tlan chhuak a,a tlan chak lutuk tawh lem lo.

Kan inkawtah chuan kan ding ṭhap a, Delancy'n min rawn pan lai chuan ka lo nuih sen sen a,a van inpe zo tak.

"Ka mawng hi a tla dawnin ka hria,"a ti a,a kal pai ṭuang ṭuang a, Raphael-a chuan a lo hre phak a ni chêk ang chu a nui huk mai.

"I va han chuang zei lo lulai ve..."Dylan chuan Delancy en kiau pah hian a ti a,Delancy chuan a chhang lo,a melh rum hle thung.

"Zanin hi Hannah-i birthday ania,ka rialin i kal duh em?"Raphael-a chuan a ti a,"Ka hre lo,i ṭhiannu ania,ka kal ve ngawt kha a fuh ber lo,"ka ti niah niah a,"I kal loh chuan ka kal lo mai ang,"a ti a,midangin,"Ngawi ṭawt rawh i kal ngei ngei tur a ni, Valentina lo kal ve mai la,"an ti a,"Kan kal leh kal loh i kutah a in nghat,"Raphael-a chuan nui suk chung hian a ti a, ka hrethiam lo ngang mai.

"Ka nute an awm si lo a,"ka tih chuan,"A ṭha hlei hlei,"an lo ti a, Delancy ka va en zeuh a, Raphael-a chuan a lo hrethiam aniang,"Delancy nang pawh lo kal ve rawh, midang zawng zawngin phurh tur kan nei vek a, Dylan chiahin a nei lo,"a ti zeuh a,"Ka nei ve reng,ka bmuh apiangte hi duh ila chuan hmai phih a ngai nang,"Dylan chuan a ti bui bui a,midang an thum hak mai.

"Lo kal mai ru,"Edmond chuan a rawn ti leh a, Delancy kan en ta ṭhap,"Oiii..a,eng nge ka rawn tih ang a?"a ti hluai a,"I lam ang,"Dylan bawk a ni.

"Ka duh teuh lo mai bakah,"a ti chu Raphael-a chuan lo pawt chatin,"I kal loh chuan Valentina-i hi ka ru daih ang,"a ti a,"A ngai lo chiang kuang,mmmm... nang hi i nghal dawn tlat,ka kal ve ngei ngei a ngai,"a ti a,min ngaihtuah vang bak a ni miah lo,henu hi chu aw....

"Kan va lut phawt ang nge,"tiin kan thlah a, Delancy nu leh pa chu call-in min riahpui tur thu ka hrilh a,an lo phal leh thlap mai.

A thawmhnaw a va lak hlanin keiin rawng ka lo bawl a, kan intihfai chhung nen kan chaw ei chhung nen kan insiam ve theih meuh chuan dar 6 a lo pel thui leh viau tawh.

Kan inpeih hnu rei lo teah Raphael-a call ka dawng a,"In inkawtah Dylan nen kan awm aw,"dam dup hian a ti a, kan chhuak nghal a ni der.

Kawngka chu kalhin kan chhuak a, gate pâwnah chuan Raphael-a leh Dylan an lo ding a, Delancy chuan min kaih pah hian,"Hepa lo deuh hi a rawn hruai thei lo em maw ni,"a ti nuah nuah a,ka khawngaih ang reng.

Dylan bulah chuan a kal ve ta tho a, Raphael-a chuan helmet pakhat hi min rawn pe a, ka en heu lai chuan helmet chu la lehin min khumtir a, ka sam siam mawlh mawlh pahin,"Ti khan ka lo ding thut anih pawn i in tauh tawh miah lo ang,"a ti a,pa deuh hian a nui a,oiii Lalpa he ramhuai hian min ti la dawn dawnin ka hria.

"Ramhuai maw?"nui chung hian a ti leh a,ka ngaihtuahna ka lo sawi chhuak chu niin ramhuai te ka ti leh nghal,oii ka zak lutuk.

"Ka ti lai dawn dawn che a maw?"a ti a,a va han nghal tak,tunge,"Aw min ti lai,"tih duh ang,"In inen rei tawh e...."Delancy'n a rawn tih takah chuan ka harh chhuak zawk.

A helmet glass chu kuai hniam sawkin a hnungah chuan ka ṭhu a,a zahthlak dan a dangdai ngâng mai.

Nui kur kur a bike a start a,a tlanchhuak nghal a, kan hnungah Delancy-te pawh chu an rawn tlan ve zel a,"Gift kan keng lo,"ka hriat chhuah zawk vang chuan ka ti a,"Ka keng a lawm,i ken kher a ngai hleinem,"a ti a,a ding zui zat.

Ka hawi chhuah chuan in pakhat kawtah hian kan lo awm tawh.

Ka chhuk nghal a,ka bul chêtah Delancy a rawn ding ve a,"Kan rei i ring em?"a ti a,ka hriat loh thuin ka chhang a,"In titi ve em?"ka tih chuan,"A teuh hian a hnai lo lulai lutuk,"a ti a,ka kutah chuan rawn kaiin,"In inhmeh chiang e..."a ti a,amah berin min phurpui hi chuan thil hi chu a nuam a ni zel mai.

Raphael-a,Dylan,Dennis,Edmond,Pekhlua an rawn phei a,"Lut ang u,"Dennis chuan a rawn ti thar thar a, Raphael-a chuan ka kut ding lamah a rawn kai a,lehlamah Delancy'n min kai bawk.

Kan lut chiah chu hmeichhe pahnih an lo phei a, Raphael-a chuan min en pahin,"Hannah,"a ti a, pakhat zawk chu en lehin,"Rinfeli,"a ti leh a,min lo ve siam siam a,an fel ang reng.

Dar 9 dawnah cake an zei a,"Haw ka duh tawh e..."Delancy'n a rawn tih takah chuan Raphael-a chu ka bek bawr a, Dylan nen bawk chuan min thlah leh thlap.