Moonlight chapter 2

Moonlight chapter 2

by:venpuii

"Zaninah Raphael Zothanpuia hi zirtirna kan pe hlak tur a ni,"pakhat chuan a ti a, pakhat chuan,"Engtin Simon?"a ti a,ka meng kawk mai.

"Zirtina mw le,"a ti a,ṭawng hnuhnung zawk khan,"Mahse,engtin?"a tih chuan,"Zantin an ṭhian ho hian Dennis-a te karokae-ah an awm khawm ṭhin a,an haw leh tur chu kan bei ang,"a ti a, pakhat zawk khan,"Kan pahnihin maw?"a tih chuan pakhat chuan,"Aih ka ṭhian dangte ka pun tawh a lawm,chem ka keng ang a, zirtirna chhe tê ka pe ang tuman an hre lo vang,"a ti a,an nui ham ham.

Tlema ka dah chhuah deuh chuan Simon leh a ṭhianpa Sangzuala ka hmu a,ka chil lem ri khawlhin muangchang leh thawm dim thei ang ber chuan ka kal ṭhem ṭhem a,ka thawm an hriat phak lohna tur awm aṭang chuan ka tlan a, Delancy min biakna pawh engmah ka hre lo.

Ka tlan zel a,ka ke na pawh ka hre chang tawh lo, college hnung lama an awm ka rin vangin chu lam chu ka pana, nitin tun ang huna an awm ṭhin vanga ring ka ni mah ang chu.

College hnung ka thlen chuan an lo awm a,ka lam hawiin an lo ṭhu a,weed an lo zu a, Raphael-an min rawn hmuh chuan ka tlan vata,a lo ding ve nghal zat.

"Ih ih ih,"ka ti a,ka thaw hlawi hlawia,ka hah lutuk engmah ka sawi thei lo.

"Tinge i tlan vak?I ke hi a na leh mai tur asin,"tih pahin a lo ṭhutnaah chuan min ṭhut tira,ka ke chu a en vat.

Ka sneaker chu a phelh a, ka ke chu a lo duk deuh raiha,min rawn enin a thaw haka,"Tlan vak vak tawh suh,"dam dapa tih pahin ka ke chu a hmet a,a ṭhiante chuan mak min tih hmel zet hian min en a, engmah erawh an sawi lem lo.

"Raphael, Simon-an engtin emaw tih che a tum,"ka ti tawla,ka ṭawng chu hre awm pawha a awm loh laiin a ṭhiante pathum an lo ding suaua,"Sawi chiang teh,"tih leh,"Zawnga mai mai chuh,"tih te,"Engtin nge i hriat?"tih chu a ri nawk nawka chhan ngaihna tak pawh ka hre lo.

Edmond, Raphael-a ṭhian chuan,"Valentina,i sawi chiang thei em?"a ti a, library-a ka kala ka thil hriat ang zawng zawng chu ka hrilh vek a,an inhum ruh nasa hlawm kher mai.

Raphael-a lah chuan ka ke ngawt chu a lo buaipui a,rawn dak chhuakin,"Dennis khawiah nge i volini ken kha?"a rawn ti daih a,an ka haw mai, keipawh ka bang bik hauh lo,ahma te kha chuan a pawisawi hlek tu kha chu a that hreh hauh lo kha a nia,tuna taka hetia a ngaihsak miah lo pawh hi mak kan tih hlawm em em ni.

Dennis chuan a volini ken chu a rawn pe a,"Bandage,"tih pahin Peka chu a en a,a lo pe ve leh mai bawk.

Ka keah chuan volini chu a spray a,bandage chuan a tuam thlap a,ka sneaker chu dim tê hian min buntir leh a,min rawn enin,"Tlan tawh lo la,ti khan tuam reng rawh,"a ti a,a ṭhiante chu biaiin min rawn en leh zeuhvin an kal a.

Rei lo teah Delancy a lo kal a,"Oii hepa hian a duh che ni lo maw,i ke pawh a tuamsak che nia, hei thla ka lo laa,"tih pahin a phone a rawn lek a,a lo la tak tak nia,oii a va hahthlak tak.

"Duh teih lo vang,ka ke te hi chu amah vanga na ania,a mawhphurnaah a ngai aniang,"ka ti sam êt thung.

"Hui ha i hahthlak emai,kan haw thei a,kan haw dawn mi,taka tinge chak deuh khan i tlan a?"a tih chuan ka thil hriat chu ka hrilh a,"I duh chiang,"khi vur vur chungin a ti a,ka lu ka lo thing thung.

"Anih i duh si loh chuan tinge kha ti vaka i tlan si?"a tih chuan,"Aw...ka hre nang nangpawh ni la ka tih ang hian i ti ve tho ang,"ka ti sam êt a,a lu lo thingin,"Aih ti lo maithei,bakah ka la zawt lo che a,"Tunge tukin khan a chhan che?In hre ṭha pawh in ni lo va, midang intibuai an awm pawn an en liam mai mai a,tinge nangmah kha a chhan bik che a ti a,"ka hnial peih tawh vel lo,a ngaihdan danin ngai mai teh se.

"Haw ang ka nu leh pa pawh an lo thleng tawh ang,"tih pahin ka ding a,min zui ve mai.

Kan inkawt thleng min thlah hnuah an in lamah a phei a, keipawh gate chu hawngin ka lut a,ka nu leh pa pawh an lo thleng tawh a,ka nu'n min hmuh chuan min lo be siam siam a,ka ke a hmuh chuan a chhan min lo zawt nghal chat mai.

"Tukinah ka tlu a,ka ulh aniang mahse ka hmehtir tawh,"tiin dawt ka sawi ta ringawt a,zan ka chhuahnaah ti ila chuan min hau nasa dawn lutuk.

Ka pa'n,"I fimkhur lo em ni?A na em?"a lo ti a,anat loh thu hrilhin intifai turin ka room-ah ka chho a.

Ka intihfai dawn chuan ka ke tuamna chu ka en a,a lo tuam uluk ngang mai,dim tê têa phelhin ka ke chu ka en a,a la duk deuh a,vun erawh a vung lem lo.

Ka intihfai zawh hnu chuan volini chu spray lehin ka tuam luma, assignment ti a ka buai lai chuan ka nuin chaw eiturin min rawn ko a,ka ei peih loh thua chhangin assignment chu ka tih zawma,tih tur a tam bawk nen,ka tih zawh meuh chuan dar 10 a pel tawha,indah felin ka muhil a.

Ka muhil chu ka ṭhang harh hlawla,ka tukverh chu a lo inhawnga, ka mut dawn khan puan ka sin mish lo va,mahse,ka taksa chu puanin a lo inkhuh vek a,ka nute lah an ni dawn lo a chhan chu kamut dawn khan ka room kawngkhar ka kalh vek.

Ka khum bul side table-a polythene dum lo awm ka hmuh chuan ka en vat a, eitur chi hrang hrang leh intur te,chu mai bakah volini a lo awm a,ka ka haw mai.

Ka room balcony lam chu ka pana, kawngpui lam ka zuk hawi chuan ka room zawn kawngpuia mipa ding ka zu hmu a,ka lam a rawn hawi chho a, meizial a zu bawk.

Street light piah deuha a din vang chuan chiang lo ruai hian a hmuh theih a,ka en reng ringawt.

A pian leh a ruangâm chu hmuh rawhna ka nei thanin ka hria,ka en reng lai chuan a bike-ah lawnin a tlanchhuak a,a bike ri chu...ni lo,a ni ang em,amah kha,tu dang mah niloin amah Raphael Zothanpuia kha a ni ang em?

Room-ah chuan lutin tukverh chu ka khar a, khumah chuan polythene dum a thil awmte chu ka bun chhuak leh a,chupa chyps lollipop cherry flavour ka hmuh chuan ka nui hak a,ka duh ber kha a ni miau a ni.

A leitu chuan ka duh tih hria ni awm takin 10 lai a awm a,ka nui var var.

Dah felin ka mu leh a,ka mut theih mai loh vangin hla ka ngaithlaa,nizan hmasa ang chiahin ka lung chu a leng leh tawh,a chhan erawh ka hre hauh lo.

Dar 12 pelah ka muhil ve chauha ka harh chuan dar 7 a lo la ri lo deuh va,mut lehna chi a ka ngaih loh vangin ka tho a,intifai thuak thuakin college kal tur chuan ka insiama,ka insiam zawh meuh chuan a lo tlai ve leh duai tawh.

Ka side table-a eitur awm chu enin lollipop chu pakhat ka laa,ka nu chuan chaw ei a lo siam a,ka pa pawh hna kal turin a lo insiam diam tawh.

"Bawihi,i ke a na sia,ka rualin i kal mai dawn a mi?"a ti a,lu thingin,"I tan min thlah kawi a buaithlak ang, Delancy nen kan kal rual thei tho a,"ka ti a,dik a ti aniang a sawi zui lem lo.

Chaw ka ei kham chuan ka ha nawtin lollipop chu ka hmuam a, Delancy te in lamah bawk chuan ka kal leh a,gate-a a lo tlan chhuak tur chiah chu ka hmu a,ka chuan rual chuan kan tlanchhuak nghal a.

Kalkawng tluan chuan kan titi a, college kan thlen chuan a scooty park-na tur a zawng a,keimaha lut lovin ka lo nghak a,a lo let leh har zêk mai.

Delancy a lo let leh chuan kan building lam kan pana,"Lawk enteh,"tih paha ka dara an rawn khawih chuan ka inher a,ka hmai a huh nghal vek a,Es-i kan senior hmel ka hmu nghal zat.

Ka kawr te chu a huh hliam a, hamhaih lutuka ka melh lai chuan college hnung lamah chuan min kai phar dawr dawra, Delancy chuan min rawn vawn a tum a, Es-i ṭhiannu chuan dak awrh khawpin a lo kek a,puih ka duh a,ka thei der lo thung.

College hnung kan thlen chuan ka kut a vawnna chu a paih lawp a,ka biang a ri nghal sawk mai.

"Zawngi,mi hur nu, lepchiah khaw lo lutuk mai, hmeli tuna chinah chuan Raphael-a hi lo hnaih ve tawh ngai suh,a bul hnaia i awm ka hmu leh anih chuan,"tih pahin ka chhip samah a ṭham a,na ka ti lutuk chu ka ṭhen chawk chawk a.

Thawm a ri huk a,ka sam chu Es-i chuan a thlah hlawk a,ka mittui parawl kar aṭanga tu emawin a chawi sawn lai chu ka hmu a,ka kun a,ka ṭap khur ngawt ngawt.

"I ṭham em?"rawn ti tu chu ka en a,amah a ni, Zothanpuia,min kai thoin a denim jacket hak lai chu a phelh a,min khuhin ka hmai huh chu rawmawlin a rawn hru a,ka bulah Delancy a lo ding ve nghal zat.

Delancy chuan min kuaha, ka mittui a tla zawih zawih a,ka rilru na lutuk vang chuan awm ngaihna pawh ka hre lo.

"I ṭha em?"Raphael-a chuan a rawn ti a,"Ka ṭha,ih eng lo,tun aṭang chuan inhre ngai lovin awm tawh ang,mi dang ngaihbel tur leh hmuh hreawm turin awm tawh lo ang,"ka ti a, hrilh hai hmel a pu a, Delancy chuan,"Ni e, Es-i khan in ni emaw a tia, Valentina-i an huat phah vek a..."a lo ti a,min kai san nghal daih bawk.

"Haw daih i duh em?"a rawn tih chuan ka in ngaihtuah vang vang a, hetianga awm ai chuan tiin ka rem ti a,a scooty park-na lamah chuan a kal a,ka lo nghak thung.

Ka lo nghah lai mek chuan,"A sawi kha a dik em? Keimah a ni tak tak em?"tih ri ka hriat chuan ka hawi let a, Raphael-a thinrim hmel zet hian a lo ding run mai.

"Maw?..."ka ti a,a hmel chu ka ṭih lutuk,a mitmeng chu a sen rum a,ka sawi thiam dan ber chuan sakawlh thinrim hi a ang ka ti ber.

"A dik em Valentina Lalruatpui?"a ti vin tuar a,ka phu zawk mai,ka lu ka buk nghat chuan,"Fuck,"ti hlukin min kal pel a,min nek sawk a,ka pai dat mai.

Ka din reng lai chuan ka bulah Delancy chu a scooty-a chuang chungin a rawn ding a,a kut a rawn vai zeuh a,"Lo chuang la,"a ti a, ka chuang a,jacket chu nghet deuhin ka vuan a,ka kun a,ka hmaa mi pawh chu a ṭawng lem lo.

Kan kawta kan din lai tak ngial pawh ka hre lo,min auh vak takah chuan ka harh zawk a,"Awmpui i ngai ang em?"a ti a,ka lu thingin,"A la tlai chuang si lo va,i duh chuan let leh daih la,"ka ti a,a sana bun lai en zeuh pahin a lu a bu a,"Ka kal phawt ang,lo inenkawl ṭha rawh aw...."ban deuh hian a ti a,a aw aṭang chuan min kalsan a hreh tih a hriat theih.

Chhang loin ka lu ka bu ringawt a,a tlan chhuak chu ngawi rengin ka thlir a,gate chu hawngin ka lut a,ka nu leh pa hnaah an kal a,ka vannei lel mai.

Ka jacket sin lai chu ka en a,ka lung a leng ruihin ka hria,a chhan erawh ka hre lo,ka intifai a,in tih fel a ngaih loh vangin ka mu a,ka phone chu ka en kual a, thil dang chuan ka rilru a la peng thei reng reng lo.

Eng nge ka ngaihtuah ka hre lo,mahse ka pik ṭûp a,ka tawt leh up up ṭhin.

Ka lo muhil aniang ka harh leh chuan khua chu a lo tlai ruin tawh,ṭhu chhuakin ka mit ka chhing a,ka tawt leh up up tawh.

A chhan ka hre lo, ka ṭah a chhuak a,ka thawk te chu a sak vek,ka hmai chu ka tuai puat puata,ka mittui a rawn luang ta ringawt, ka ṭap ta ringawt a, vawiina ka thil tawn vang ni maiin ka hria,insumna nei lêk loa ka ṭah hnu chuan ka thawl deuh hawk a,ka nuin min lo call a,kawngka hawn tura min tih chuan ka zuk hawng a,min biakna pawh ngaihsak loin,"Ka mu dawn,"ka ti a,ka room lam ka pan leh nal nal.

Khumah chuan ka let thawk a,ka nu lo lutin,"I nuamsam lo em ni?"a ti a,"Ka lu a na deuh a, damdawi ka ei tawh,chaw min eisan mai ro,ka mu dawn,"tiin ka mu a,ka nu chu bu nghatin,"I nawmsam loh zual chuan min lo hrilh rawh aw,"tiin ka samah a chul a,a chhuah veleh kawngka chu kharin ka mu a, hla ka play a, ka lo muhil leh a ni ngei ang,ka harh leh chuan dar 11 a lo pel leh tawh a,ka room tukverh ka khar phui loh kar aṭanga thli lo lutin min rawn chhem chuan ka harh vâwkin ka hria.

Balcony-ah bawk chuan ka chhuak leh a,vanah chuan chhum an zing mup mup a,a karah arsi an awm pheuh pheuh a,thla a lang loh vang nge a ti mawi zo meuh lo.

Ṭhutna ka dahah chuan ka ṭhu a,arsi chu ka en leh ringawt ṭhin.

Ka lo muhil a ni ngei ang,ni chhuakin ka hmai a rawn en chuan ka haeh ve chauh a,sana ka en chuan dar 6 a lo pel fel diam tawha.

Intifai turin bathroom-ah chuan ka lut a,ka ke tuamna ka phelh chuan a lo duk tawh lo a,ka rah pawha a nat tawh lem loh vangin ka tuam duh tawh lo va.

Insiam peih ata inhnuai ka chhuk chuan ka nuin chaw ei a lo siam tawh a, kil ve nghalin kan college-in tent camping kha leh lama kan neih tur thu ka sawi chuan an phal lo deuh a,ka dil luih tak ngat ngatah chuan aw an pawh ve ta hram a.

Kar tawp kan thleng a,Pathianni anih vangin chawhnu leh chawhma ka inkhawm a,naktuk mai hi tent camping kan neih hun tur a ni tawh a,nimin lamah Delancy nen mamawh kan inlam fel tawh bawk a,ka bag chu ka a peih diam tawh.

Kar tluanin Raphael-a nen pawh kan inhmu lo tluk a ni,kan inhmuh pawhin a hma ang chiahin kan inkal pel a,a ṭha ka tih zawk teh lul nen mahse, keimahah hian eng emaw inthiamlohna a awm a,nuam lo pawh ka ti ang reng.

Ka ke amah vangin a na tih loh chu engmah inlaichinna kan nei lo nachungin kan nih leh nih loh hi min zawt leh nawlh nawlh ṭhin a,a nuam duh lo ṭhin viau mai.

Zan dar 12 a la di lo deuh a,zan dang ang thoin ka muhil leh thei tawh lo, ka meng reng a,zing lamah chuan ka muhil ve thei chauha,ka muhil ve chauh emaw tih laiin ka phone riin min kai thoa,ka en chuan Delancy a ni.

Phak chual hian call chu ka pick a,"I inpeih tawh em?"a rawn ti ta mai a,ka room banga sana ka en chuan dar 8 a lo ri thuak tawh.

Dar 9-ah kan chhuak dawn a,ka sam ka tuai puat a,"Aw min lo nghak rawh,"tiin ka dah a.

Thoin ka hmai ka phih a,ka ha nawtin ka thawmhnaw hak mai theih tura ka dahchhuah chu ka inthawlh sawk sawk a,ka inpeih chuan ka vag chu akin Delancy te in lam chu hmanhmawh deuhin ka pan a,ka thlen chuan gate bulah a lo ding a,kai rawk rawkin college lam kan pana,kan va thlen chuan bus hnuhnung ber chiah a lo awm tawh.

An tawt tawh si a, pakhat chiah kan leng tawh, professor Chalthuia chu lo kalin,"In bag kha han dah phawt ula, Delancy zawk hi bus-ah chuang se..."a ti a,a hawi vual vual hnuah,"Raphael,"a ti lauh a,kan hawi phei chuan Raphael-a te ṭhianho chu kan piah lawkah an ding a, professor chuan,"Lalruatpuii hi a leng lo,lo phur mai teh u,"a ti ta mai,phawk zet hian ka meng a,kal loh nai te ka duh zawk.

"Va kal rawh,"kan Vanlalchalthuaia chuan ka hnunga nam pahin a ti a,ka va han hreh mai mai tak.

Edmond-a chuan min lo hui a,hreh deuh a ka phei chuan,"Raphael,i zâng ber phur mai ka,"nui rah rah chunga Dennis-an a tih chuan midang chu an lo khi ṭhaw a..."Khaw nge Dylan?"Edmond-a rawn en pahin Raphael-a chuan a ti a,"Kan lam dawn,"pakhat chuan awlsam fe hian a lo ti a.

"Imm,lo chuang rawh,"a ti a, kar hmasa lawka ka thil sawi nen ka zak lutuk chu hreawm tak a ni ringawt mai.

"Ding chunga i kun reng kha chuan midang thlen hun awmah kan chhuak ve thei chauh ang,"a rawn tih chuan ka harh zawk a,ka hawi chhuah chuan a ṭhiante mai ni lo bus pawh a lo kal daih tawh.

"E... tihpalh lutuk,"tiin hreh rilru zet chuan ka lawn a,ka lawn fel awrh,chak zet hian a tlanchhuak a,ka tla thei mai dawnin ka hria,ka awm dan chu rem lo tak a ni.

Darkar khat vel kan tlan hnu chuan bus ho chu kawngsirah an lo ding a,thil an lei anih hmel.

Professor Sangtei chuan,"Darkar chanve kan ding ang a,kan kal leh dawn nia,"a ti a,a au lauh lauh mai.

Bike a din ruala ka hawi chhuah chuan kan lam an lo hawi ṭhap a,min melh rum tawk lah bo lo.

Ka chhuk fel rual chuan a rawn chhuk ve a,ngawi rengin a ṭhiante awmna lamah chuan a kal a,ka bulah Delancy a rawn ding ve leh nghal zat.